شعر غنائي ==== ¶ خائن الحب ¶ ==== كلمات الشاعر ==== حسن يحيى المداني

• شعر غنائي ¶ خائن الحب ¶
• كلمات / حسن يحيى المداني
• كنت اظنك راح تداوي جرح قلبي في ثوان
• مثلما دوايت جرحك ياحبيبي من زمان
• كنت أنا مشفى جراحك كنت لك حضن الحنان
• ماتركتك ماهجرتك يشهد الله والعيان
• أن قلبي ما تخلى عنك في كل امتحان
• قد وهبتك كل عمري حتي روحي والبدن
• حين اعطيتك حياتي عن رضا لا عن ثمن
• ما جعلتك يوم واحد .. تحت أنياب الوهن
• بل جعلتك في سعاده مستديمه لا زمن
• واتخذتك لي وساده عطرها مغنى وفن
• كنت لك معنى ومغنى في الليالي الهامدات
• كنت لك مأوى وسكنى عشعشت فيهاالحياة
• كنت لك .حضن السكينه.. والأماني اليانعات
• كنت لك روح التفاني في شرايينك .. ثبات
• والتغاريد المضيئه .. في شفاه النسنسات
• ليش قلبك قد تنكر آه !! لي .. خان الجميل
• باعني بيعا رخيصا وارتضى غيري ..بديل
• باع للآهات قلبي في دجا الليل الطويل
• واشترى قلب التعالي بس والله .. مستحيل
• أن تلاقي مثل قلبي موطن الحب الأصيل

(إنتِ ليه مستغربه) شعر غنائي ------ كلمات الشاعر ------- أشرف رسلان

• (إنتِ ليه مستغربه)
• شعر غنائي 
• كلمات/ أشرف رسلان
• ☆☆☆☆☆☆☆☆☆
• عَاوزَاني أقُولِك إيه
• بَعد إللي إنتِ عَمَلتِيه 
• دانا قَلبي خَلاص مَهموم مَاهو إنتِ إللي تَعَبتِيه
• طَب لِيه تغدري بِيه لِيه
• ليه تِخليهُم يشمَتوا فِيه ليه
• حَبيتك حُب زِياده بكتير وفوق العاده.. 
• بَسْ إنتي إللي رَفَضتِيه ..
• ..................................
• مِش هَاحكي وَأزيد في كَلامي
• ولا أقول كانت أيامي 
• دلوقتي عِرفتْ طَريقي
• بَس إنسي غِرتي عَليكي 
• انا ...خَلاااااص نِسيتها ونسيت حَتى شُوقي لِيكي
• مَابقَاش خَلاص جُوايا حَاجه بِتنادِيكي 
• يَاما قَالوا لي عَليكي
• وأنا إللي طُول عُمري 
• بَكَدِّب أي حَد يُقول كِلمة عَليكي
• ............................
• كُنت بَحبِك مِن سِنين
• بَس عِيونك كَدابين
• أيوه عِيونك غَدارين
• كِذبوا عَليا كِتير ... صَدقتهم
• إنتِ ليه مِستَغرَبه 
• ماإنتِ كُنتِ قُريبه

شعر غنائي (ذِكريات) ==== بقلم الشاعر ===== أشرف رسلان

• شعر غنائي (ذِكريات)
• كلمات/أشرف رسلان 
• ♤♤♤♤♤♤♤♤♤
• أنا وإنتَ 
• كُنا هِنااا عايشين ..
• في أجمل صُورة عِشْناااها
• وأغلى سِنين .. 
• ضِحكِتْ مِن بين شفايفك
• قَالت لي .. أحلى كَلاااام
• لِيه الأيام تِفرقنا
• ولِيه الغُربَه تِسرقنا
• دا أنا وإنتَ 
• كُنا هِنااا عايشين ..
• كُنا سَواا
• في نُجوم السماااا تايهين 
• كُل العيون كُل البَشر
• عَلى حُبِنا شَاهدين
• تااَاه وضاااع 
• مِنا الحَنين
• وَبقينا لِيه مِتفرَقين
• دَا أنا وإنتَ 
• كُنا هِنااا عايشين ..
• هَمسِك وحُضنِك
• لَمْسِة إيديكي ..
• نَبضي ومَشاعري 
• لِيهم كِده مِتشوقين
• أنا اللي رَسمْت أحلامي بأحلامك
• ولو عِشت بِعيد عَنِك
• رَاح أبقى حَزين
• دَا أنا وإنتَ 
• كُنا هِنااا عايشين ..

يعنى ايه ( غنائيه) ==== بقلم الشاعر ===== عونى هشام

• يعنى ايه ( غنائيه)
• =========== عونى هشام 
• يعنى ايه 
• كلمة بحبك
• وانتى اصل 
• الحب فيكى
• يعنى اعيش 
• العمر جنبك
• وعمر تانى 
• بين ايديكي
• يعنى ايه 
• مشتاق اليكى
• نفسى اشوف 
• صورتى في عنيكى
• نفسى اضمكً
• ابقى حلمك
• و في منامي 
• انده عليكى
• يعنى ايه 
• طب وليه
• كل خطوه 
• انتى ف طريقى
• انتى نجم عالى وانتى 
• النجوم ما تغيرش ليه
• عارفه ليه 
• لانى شفت حياتى فيكى
• الحياه 
• تحلا معاكى
• كل يوم 
• اسمع غناكى
• قلبى دايب 
• فى هواكى
• هاروح لقلبك 
• واشتكيكى
• الشكوى ليه
• لانى خايف 
• لحظه واحده 
• عينى تغفل 
• ساعتها اقول
• لقلبى ايه
• الرد عندك 
• والجواب
• حسيته من لمسة
• ايديكى
• تطلبى العمر هديه
• وعمر تاتنى برضه ليكى
• ===========
• #عونى_هشام

نظرة ~ غنائية _______ كلمات الشاعر _____ رمضان العلالقة

• نظرة ~ غنائية
• ~~~~~~
• و ف عيونك دمعة شاردة
• فيها حيرة قد إيه 
• هي نظرة و النهارده 
• يترى قلبي دق ليه
• كنت ليه بلمح عيونك
• و انت ليه متخبهاش
• لسه بغرق في بحورك
• و الشطوط موصلتهاش
• دنيا حلوة بين جفونك
• تسحر القلب بجنون
• و الٱماني ف ضل يومك
• كل صعب معاك يهون
• بس بحتار لما بسأل
• إيه يحير في عينيك
• بلتقيني ف حيرة أكبر
• ليه شاغلني باللي فيك
• أنسى جرحك و الليالي
• بكره في الأحلام شروق
• تطلع الشمس بٱماني
• و الطيور هتغني فوق
• يترى إيه بتقول عليا
• تحكي عني أو نسيت
• و لا يعني كتير عليا
• لو تقولي ليه بكيت 
• ~~~~~~~~~
• كلمات / رمضان العلالقة

****نص غنائى**** **مرحب رمضان** ==== بقلم الشاعر ===== محمدفارس أبوعمار

• ****نص غنائى****
• **مرحب رمضان**
• أهلاً مرحب يارمضان
• يامفرح أهل الايمان
• ياحظ من صلى وصام
• وأحى ليله بقيام
• وختم ورد القرأن
• أهلاً مرحب يارمضان
• ***************
• بتكترفيك الخيرات
• وبتضاف ليناالحسنات
• وبتحلى فيك العزومات
• أيامك خيرالأزمان
• أهلاً مرحب يارمضان
• ***************
• بتنوربيكم مساجد
• بين راكع ومؤمن ساجد
• وتالى القرأن العابد
• يتسابقوا فى طاعة الرحمن
• أهلاً مرحب يارمضان
• ***************
• أيامك بتمر قوام
• وياريتك كان طول العام
• مالحقنانشبع من خيرك
• م الرحمه ومن الغفران
• أهلاً مرحب يارمضان
• ***************
• تتزين لياليه بالعيد
• والكل فرحان وسعيد
• ونهنى روحنابصيامنا
• ونعودله والعمرمديد
• ونودع أيام رمضان
• وبعوده شهر القرأن
• **************
• كلمات/محمدفارس أبوعمار
• من ديوانى مجموعة شعرية
• بعنوان/غيبتى تحت الطبع

شعر غنائي : ¶ دم لي حبا ¶ ==== بقلم الشاعر ===== حسن يحيى المداني

• شعر غنائي : ¶ دم لي حبا ¶
• شعر/ حسن يحيى المداني
• دم رحيقا
• في ورة الوحدة
• دم أريجا
• في مبسم الوردة
• من يناغي بستان عينيها
• كل آن في
• اليسر والشدة
• دم لي حبا تحيا به نفسي
• في أمان
• كي تنتهي النهدة
• من فؤادي أو من حشا روحي
• واعط سيري
• منك الوفا عدة
• عش بقربي قنديل رومانسي
• يسقني من 
• كأس الهوى شهده
• أنت أغلى .. أغلى من الدنيا
• أغلى قلب
• يهوى دمي وده
• سوف تبقى تغريدة جذلى
• في قصيدي
• من لم يخن عهده
• نبضك الحي في نبض شرياني
• مستقر .. مذ
• أوفى لي وعده
• منذ كنا في ضفة المغنى
• حضن حب
• نلنا به وحده
• أمنيات ما مثلها عين
• قد رأت في
• صحو وفي رقدة
• الاربعاء23مايو2018م

اسألوا _____ كلمات الشاعر ______ رمضان سالم

• اسألوا 
• غنائية لمطربة 
• كلماتي / رمضان سالم
• ~~~~
• ابتديت و ياه حكايتي
• و الطموح فات الحدود
• حتة مني و كل غايتي
• هو حلمي في الوجود
• اسألوا ساعة العصاري
• و الطيور وقت الأصيل
• لما بتعب مش بداري
• اشتياق ما لوش مثيل
• بفتكر لحظات تعيسة
• كنت خايفة م المصير
• قالي أنتي أجمل أنيسة
• ضمني بقلبه الكبير
• أنتوا إيه بتفكروني
• جوه قلبي كتير حنين
• اسألوا دمعة عيوني
• و اسألوا عني الأنين
• اللي خد من روحي اسمه
• حتى سيرته فيها شوق
• في عيوني شلت صورته
• و النجوم تشهد لي فوق
• افتحوا قلبي و شوفوا
• قولوا حبه قد إيه 
• حتى قلبي بين كفوفه
• قالي عمري كله فيه
• هو دا الحلم اللي عشته
• كنت حاسة من زمان
• رق قلبي لما شفته
• قلت هو و مش بنام
• ليه تلوموا دمع عاشق
• مهما يحصل أو يكون
• اللي حب إزاي يفارق
• هو دا القلب الحنون
• حبى له ما تغلبوني
• طب و ليه متصدقوش
• مستحيل ها تغيروني
• كل دا ما تعرفوش 
• القيود اللي في أيديا
• لو تكون هي الرفيق
• ع الطربق هدوب عينيا
• في انتظار بكره البريء
• غيروا الدم في وريدي
• خلوا قلبي من حديد
• يعني أفارق مش بأيدي
• مهما ببعد مش بعيد
• ~~~~~~~~~~
• كلمات / رمضان سالم
• ( رمضان العلالقة )

يبقىَ ملوش توبة ==== بقلم الشاعر ===== أسد الشعر العربي ( جمال الشرقاوي )

• يبقىَ ملوش توبة 
• أسد الشعر العربي ( جمال الشرقاوي ) 
• أغنية \ يبقىَ ملوش توبة \
• كلمات الشاعر \ جمال الشرقاوي \
• إنتَ الحبيب مفيش غيرَك 
• و انتَ النسيم و انا طيرَك
• بلاش تهاجرني و خلِّي ليك عُوْدَة 
• أصل الفراق عندي
• يبقىَ ملوش توبة
• لمَّا تيجيني و تدُق يوم بابي
• هتكون إيدِي فــ إيدِيك
• و يكون سلامي عليك
• هو رضا قلبي
• لعيونـَـك السودة 
• أصل الفراق عندي
• يبقىَ ملوش توبة
• الحب عمره م فرَّق
• بين صَبي و شيبَـة
• قلبي انا عايزَك
• و عيوني بترَاقبـَـك 
• خلاص انا عاشقـَـك 
• و الحب مش عيبَـة
• أصل الفراق عندي
• يبقىَ ملوش توبة
• و الَّله ليك وحْشَـة 
• من بعد طول شوقة
• و انتَ القريب مني 
• بلاش تفارقني 
• يــ دنيتي المعهودة 
• أصل الفراق عندي 
• يجرح ضنىَ عهدي
• بعد الغرام كله 
• يبقىَ ملوش توبة
• القاهرة \ مارس \ الجمعة 16 \ 3 \ 2018 م الساعة 15 و 11 ليلاً \ جمال الشرقاوي \ كاتب و شاعر \

الليالي ______ غنائية بقلم الشاعر ____ رمضان سالم

• الليالي 
• غنائية بقلمي رمضان سالم
• ~~~~~~~~~
• و الليالي تفوت جنوني
• في الثواني و الساعات
• لو دموع توجع عيوني
• هنسى كل الذكريات
• و الزمان يفوت ما هدرى
• لو عذاب ما يحسنيش
• الفراق كان من ناصيبنا
• و الحياة ما تهمنيش
• يوم يجر في يوم يعدي
• يبقى فاضل قد إيه ؟
• يخلص العمر في تحدي
• و العذاب مقدور عليه
• كل دا من غير ما هدرى
• مش هحس بنار جروح
• إيه يغير من حياتنا
• كنت بحلم و بوضوح
• الحقيقة إنك وحشني
• دم قلبي كله ليك
• كل مرة تكون ظالمني
• و في عذابي بشتهيك
• قولي إيه هي الحكاية
• في الليالي بلتقيك
• قلبي حبك و النهاية
• حلم عمري كله فيك
• كل لحظة بحس بيها
• بيك معايا في المكان
• اللي كنا فيه و قولنا
• حب أكبر م الزمان
• بس هنسى دموع عيوني
• حتى قلبي لو يموت
• هرضى بعدك من شجوني
• كل شيء بيهون يفوت
• ~~~~~~~~~~~~
• بقلم / رمضان العلالقة

مستحيلة ... غنائية ==== بقلم الشاعر ===== رمضان العلالقة

• مستحيلة ... غنائية
• ~~~~~
• مستحيلة تكون سعادة 
• ف أي عالم غير معاك
• مهما يجرا فيك بفكر
• و ف عيوني دموع هواك
• كل يوم بشتاقلك أكتر
• و انسى أحزاني و أساك
• لما حلمي معاك بيكبر
• احس لسه ف يوم لقاك
• مش غريبة ....
• أشوف ملامحك
• ببقى شايفك لو هناك
• لو في لحظة بعدت عني
• أحس إني مشيت وراك 
• في الليالي و أغني اسمك
• م أنت فيها أجمل ملاك
• و النجوم تفرح و تضحك
• من هوانا و من ضياك
• كل ليلة أحلم و اشوفك
• بدر حلق فوق سماك
• نور الأيام بصورتك
• روحي هايمة و بهداك 
• ترسم الأحلام عيونك
• قلبي يتمنى ف رضالك
• ياللي حبك بين ضلوعي
• و ف جنون الشوق رماك
• خلي أيامنا اللي جية
• بين أيديا قلوع رضاك
• عيش معايا حلم بكره
• إيه هيجرا لو لولاك
• جنة الأزهار بلونها
• و بغصونها من صفاك
• لو بموج البحر يغضب
• و لا كون يغرق فداك
• .~~~~~~~~~~
• بقلم / رمضان العلالقة

رسالة من شهيد ======= بقلم الشاعر ====== عونى هشام

• ( غنائيه)
• رسالة من شهيد
• ============= عونى هشام
• شهيدنا فارد روحه سباط
• والجنود فوقها تصلى
• بدمه طرحت شجرة توت
• مين فيكوا يقدر يوصل لى
• قال الشهيد
• هافضل اقول ارضنا سينا
• مين بس يقدر يعادينا
• رمال بارود بركان مع نار
• يابختى انا باللى حصل لى
• انا الشهيد
• انا الشهيد روحى فى الجنه
• عنب زتون نخل وحنه
• جنبى الملايكه بقينا اصحاب
• وبكون امام وقت ما اصلى
• انا الشهيد
• جزائى من رب العالمين
• زوجنى اجمل حور العين
• ارهاب بتقتل بنى ادمين
• فى النار وتشرب زيت مغلى
• قال الشهيد
• قتلت ليه و عصيت الله
• حاربت افضل جند الله
• شيطان غواك ومشيت وياه
• هاتقول لربك ايه قول لى
• انا الشهيد
• انا الشهيد ومكانك ايه
• انا ليا دين واله ارضيه
• طب دين ابوكم يطلع ايه
• قتلت ناس كات بتصلى
• انا الشهيد انا الشهيد
• مين فيكوا يقدر يوصل لى
• ===========
• #عونى_هشام

قلبي انجرح ==== بقلم الشاعر ===== محمود مسعود

• قلبي انجرح......
• ـــــــــــــــــــــــــــــــــــ
• قلبي انجرح 
• فين الفرح
• ياعيوني نامي
• من غير سرح
• لو كنت يوم ترحم وجع قلبي
• الفرحة تدوم وتزيد في حبي
• أنا ليك بالوم قسوتك وظلمي
• وسط الخلايق ماملكش غير قلبي
• كان يجري ايه لو حبك صافي
• ويا المروة تنسي إنك تجافي
• بالبسمة الحلوة تكبر وتتعافي
• الكبر عيب لو فيه نصيب 
• ما تتكبرشي يا الغالي
• لو مرة كلمة قلتها 
• وكانت صعيبة وقتها
• فيها ايه لو ترضي تهزها
• الروح حا تهدي وحدها
• والقلب يعيش في ظلها
• لكنك قاسي رميتها وناسي
• قلب انكوي في حضنها
• قلبي انجرح 
• فين الفرح
• ياعيوني نامي
• من غير سرح
• ــــــــــــــــــــــــــــــــــــــــــــــــــ
• بقلمي / محمود مسعود ( أغنية ) 4/2/2018م

غنوة جميلة معاها حدوته ==== بقلم الشاعر ===== محروس الحناوي

• غنوة للاطفال
• غنوة جميلة معاها حدوته
• حلوه خفيفة ومش ملتوته
• يلا يا سمسم تعالى اسمعها
• كلماتها جميلة صغنتوطه
• فيها نصايح حلوه كتير
• تشغل مخك بالتفكير
• لما تذاكر كل دروسك
• والكل يصقفلك ويبوسك
• تطلع متفوق وعظيم
• والصبح تروح كدا مدرستك
• والشنطة وكتبك على كتفك
• في طابورك واقف ومصحصح
• بتحيي علم مصر الغالي
• وبتدخل يا جميل على فصلك
• وتحصل بالعلم دراستك
• وتخلص ترجع على اوضتك
• تتغدى وتصلي فريضتك
• وبخط جميل كدا ومنثق
• تكتب اسمك على كراستك
• علشان تكبر تبقى سفير
• وتتفوق كدا تبقى وزير
• او حتى في مستشفى طبيب
• ولا مهندس زكي ونجيب
• ترسم لنا مستقبل بلدك
• وتخطط لنا مصر الخير
• وبتاخد من الماضي العبرة
• وتطوره كدا علم وخبرة
• والارض تغمرها الخضرة
• والقمح هيكتر ويزيد
• كلمات / محروس الحناوي

راح فين يالاللي ==== بقلم الشاعر ===== محمود مسعود ( أغنية عامية )

• راح فين يالاللي.........!!
• ــــــــــــــــــــــــــــــــــــــــــ
• نفسي أخبط ع الببان 
• من ورا ستارة النسيان
• يظهر الوش إللي كان 
• يلاعبني في أحلامي زمان
• نفسي أغني كان وكان
• أقول كلامي بتاع زمان
• أمان أمان يالا للي
• تبقي الأجرة ضحكتين
• تشرح القلب تنام العين
• السهر تنساه الحب نعيش جواه
• أرجع وأقول كلمتين
• الحب العزري راح فين
• راح فين راح فين يالاللي
• ـــــــــــــــــــــــــــــــــــــــــــــــــ
• بقلمي / محمود مسعود ( أغنية عامية ) 13/1/2017م

قبل الوجود ==== بقلم الشاعر =====...طارق عطية

• قبل الوجود
• حبيته قبل الحب ما يكون 
• له وجود
• حبيت بقلب ميعرفش في................ الحب الحدود
• حبيته........ بكل أمانة
• وقلوبنا كانت عطشانة
• دنيتنا دي مش سايعانا
• ولا كلمة تروي عطش قلوبنا................. ولا الردود.
• أنا لما حبيت مش بنيت
• أرض وسما
• وأنت أما جيت قمت اشتريت............ لك ملحمة
• غنيتها بصوت.... إحساسي
• من يومها أنا عمري ما آسي
• ولا دمعة .......عين بتواسي
• وكأن سهم الحب في القلب اترمى.
• بقلمي...طارق عطية
• ........شعر غنائي.......

بقول خايفة ....... بقلم الشاعر...طارق عطية .....شعر غنائي.......

• بقول خايفة
• بخاف لا القلب يجرحني
• ويرميني في وسط النار
• وأمتي الحب فرحني
• مفيش في الحب غير أعذار
• يغيب ويجيلي من تاني
• بقلبه الآسي...... ينساني
• وكتر القسوة....... خلاني
• رفضت أكمل المشوار
• بخاف لاشتاق.. لاحزانه
• يزيد في القلب. حرمانه
• ومين يضمن لي نسيانه
• لو القلب في غيابه احتار
• بخاف من الحب وسنينه
• بخاف وقلوبنا.. عايشينه
• يجوز إحنا إللي فاهمينه
• وغيرنا منكواش بالنار
• بقول خايفة... لكن شوقي
• ده دم بيجري في عروقي
• يادنيا من العتاب ....فوقي
• مسير الليل .....طالعله نهار
• بقلمي...طارق عطية
• .....شعر غنائي.......

حب غيري ==== بقلم الشاعر ===== .طارق عطية

• حب غيري
• دنيا غابت عن عيوني
• لما قلبه حب غيري
• حتى لما الناس لاموني
• قلت أحكم فيه ضميري
• قلبي عايش........ ذكرياته
• عمري ما أتحمل ......اهاته
• لو سنين عمري إللي فاتوا
• كان فراق قلبك... مصيري
• شفت حبه .....نار وجنة
• والبيبان كت مفتوحالنا
• ليه نغير ....لون مصيرنا
• ليه تقول لعيوني غيري
• كت آمالي... عش عالي
• جنة وبنيتها في خيالي
• لما قالي...... اوام تعالي
• قلت لجناحاتي ..طيري.
• سابني مال على قلب تاني
• قلت مين غلطان... ..زماني
• ساب لي حيرة.... متوهاني
• ساب لي قلبي وحب غيري.
• بقلمي...طارق عطية
• ......شعر غنائي.......

بنيت إحساسي ==== بقلم الشاعر =====..طارق عطية

• بنيت إحساسي
• لو بنيت إحساسي بيت
• يبقى هبني برج عالي
• لو تقولي خلاص نسيت
• يبقى هديت سور آمالي
• حس بالحب إللي فيا
• حب قلبي خاف عليا
• ننسى أيام الأسية
• ننسى أحزان الليالي
• لو زرعت القلب فرحة
• تطرح الحب في خيالي
• أو عروسة ولابسة طرحة
• والعريس بيقول تعالي
• نفسي أحلم من سكات
• أنسى ماضي وذكريات
• أفتكر عمري إللي فات
• لما تبقى خلاص حلالي
• لو تقيد للقلب شمعة
• اشتكي مع نورها حالي
• لو تنزل عيني دمعة
• ألقاك أنت مسحتهالي
• تبقى كل ....الدنيا هانت
• والحقيقة في حبه بانت
• ننسى أيام....... لما كانت
• دنيا مش راضية بحالي
• بقلمي....طارق عطية
• ......شعر غنائي.......

قالي سلام . ==== بقلم الشاعر ===== محمود مسعود

• قالي سلام .........!!
• ـــــــــــــــــــــــــــــــــــــــ
• أنا ماخترتش وقت الفراق 
• كل الحكاية.... سوء اشتياق
• القلب ضاق من حرقته
• قال الفراق مكتوب علينا يامشتاق
• سكة خطاوينا كلها أرزاق في محبته
• مين اللي قال مين اللي خان
• كام معاد زاد البعاد و أنا دنيته
• فجأة وكان علي قلبي حابس دمعته
• قالي سلام من غير كلام ضيع معاه بهجته
• منين وفين ومهما تكون الشك باين في محبته
• أحلف يمين يقولي لمين ياعم سيبك من لهجته
• طفت البلاد علي العباد أشكي همي وغربته
• يمكن تكون هناك ظنون تخلف معاه كربته
• صعبان عليا كتر الأسية وهو حاير ومهجته
• مسكين ياعالم مين اللي قاله بمشاعري يلعب يابلوته
• ـــــــــــــــــــــــــــــــــــــــــــــــــــــــــــــــــــــــــــــــــ
• بقلمي / محمود مسعود ( أغنية عامية ) 4/1/2018م