ضرب الكفوف
*********
أزمة حروف ضرب القلم ولا الكفوف
ولا الأماكن والظروف ولا اللى عايش وسط خوف
أزمة حروف ولا المعانى إتفسرت من غير كسوف
قادر تعيش زمنك جبان والذل راكن ع الرفوف
أزمة حروف ولا يادوب أزمة كسوف
ياما حكاوى إتألف وإتبروزت وإتغلفت ظلمت ألوف
مات الضمير بان المصير ولا إنت مش قادر تشوف
زاد الأنين داب الحنين جوة الوتر بعد المطر ضربوا الدفوف
مات الشجر شق الحجر أزمة زمان بالموت يطوف
ياللى إنت عايش تنتهى وبتشتهى ضرب الكفوف
زمنك وداير فى الدروب حارق قلوب ومفيش وقوف
هتفوت عليك كل المحن وينتهى بيك الزمن حاسس بخوف
ثابت كما الليل الحزين آسية عليك كل السنين وتقول ظروف
محمد سالم
ليست هناك تعليقات:
إرسال تعليق