*& ملحمة أم الدنيا ... مصر الدنيا ( 37 ) &* غمّض عينيك ..... واحلم معايا ....! & الجزء السابع والثلاثون & كلمات أحمد عبد اللطيف النجار شاعر أم الدنيا

• *& ملحمة أم الدنيا ... مصر الدنيا ( 37 ) &*
• غمّض عينيك ..... واحلم معايا ....!
• & الجزء السابع والثلاثون &
• كلمات 
• أحمد عبد اللطيف النجار 
• شاعر أم الدنيا
• &&& مصر والعرب سنة 5400 ميلادية &&&
• نواصل سفرنا عبر الزمان والمكان ، نعبر ألازمان والأكوان مع أم الدنيا وجميلة الجميلات .
• ها نحن نعيش معها في القرن الرابع والخمسين الميلادي ، يعني سنة 5400 ميلادية .
• في ذلك القرن ثارت الأرض الزراعية وتحدثت عن إخبارها وخيراتها المهملة في العالم العربي ، خاصة أرض فلسطين الخصيبة ، حيث انتحت كميات هائلة من الزيتون بكل أنواعه وأشكاله ، وانتشرت في فلسطين الحبيبة المصانع ألكبري لإنتاج زيت الزيتون عالي الجودة الذي ليس له مثيل في جميع أنحاء العالم !
• وانتجت كل الأراضي العربية الثمار والفاكهة والقمح 
• بكميات هائلة تكفي كل الشعوب العربية وتزيد للتصدير للخارج ، ولم نعد نشحت قمحنا من الأبالسة والشياطين !
• أصبحت الأرض العربية مصدر دخل يفوق البترول بمراحل !
• خاصة أن الإنتاج الزراعي العربي طبيعي خالي من الكيماويات والهرمونات .
• تنافست دول العالم كله علي طلب الفواكه العربية والخضروات المصرية الطازجة .
• هيا بنا نحلم بعالم أفضل خالي من الكيماويات والهرمونات والدول الاستعمارية !
• ـــــــــــــــــــــــــــــــــــــــــــــــــــــــــــــــــــــــــــــــــــــــ
• أم الدنيا قالت نزرع ...
• ونخضّر كل صحارينا ...
• الأرض تنطق تتكلم ....
• بالإصرار دا زرع أيدينا ...
• نشحت ليه قمحنا من العالم ؟
• والله عيب تجوع أهالينا ...!
• الأرض عطشانة وعايزة ...
• نراعيها بروحنا وعينينا ...
• بذرة قمح قوية تطرح ...
• مليون قمحاية في أراضينا ...
• لكن واقع الحال المؤسف ...
• أوطاننا ضاعت وبكينا ....
• في السودان الأرض خصيبة ...
• شعبها عايش في حروب ...
• ومآسي وكل مصيبة ...
• وادي النيل حوالين أراضيهم ...
• وأمورهم كلها عجيبة ....
• قالوا نرزع ليه اراضينا ؟!
• للزراعة إحنا نسينا ....
• واتعودنا نعيش أموات ...
• ومجاعة في يومنا وماضينا ..!
• يا خسارة النيل وشبابه ...
• فين هيرودوت يتصرف فينا ؟!
• صرخ النيل يا شعب النيل ...
• الوادي ضاع في مآسينا ...
• العين تبكي دموع شلال ...
• وشعوبنا مكسورة حزينة ...!
• شعوبنا مكسورة حزينة ...!!
• ــــــــــــــــــــــــــــــــــــــــــــــ
• أم الدنيا صرخت ...
• فين الفِلاحة العربية ...؟
• الفلاح الوعي يحافظ...
• علي أرضه عروسة وصبية ...
• في فلسطين نطق الزيتون ...
• بأشجاره الحلوة الوردية ...
• الأرض كلها زيتون ...
• وحمامة سلام أصلية ...
• تنده علي العربي تحييه ...
• أحلي سلام واحلي تحية ...
• أشجار الزيتون ترفرف ...
• ترفع راية الحرية ....
• وتقول لكل الأحرار ...
• وداعاً زمن العبودية ...
• عصّارات زيتون شايفينها ...
• في فلسطين إنتاجها بهية ...
• وكمان جاهزة للتصدير ...
• لكل الدول الأوربية ...
• مكتوب عليها إنتاج ...
• أيد واعية فلسطينية ...
• وانتهت كل مشاكلنا ...
• وارتحنا من دي القضية ...
• ارتحنا من دي القضية ..!
• ـــــــــــــــــــــــــــــــــــــــــــ
• ام الدنيا قالت العراق ...
• فيه مليون نخلة عافية ...
• تطرح التمر بأنواعه...
• عملوه لقمة عيش هنية ...
• وكمان عملوا حلويات ...
• لكل الأمة العربية...
• قامت الحرب مع الأنجاس ..
• المجوس الإيرانية ...
• شوفت بعيني نخلات دجلة ...
• محروقة بايدين مجوسية ...!
• مليون نخلة طرحت حزن ...
• وبلحات سودة وأذية ...!
• وبكيت علي نخل بلادي ...
• مات في الوادي ....
• ماتت معاه القومية ...!
• ماتت معاه القومية ...!!
• ـــــــــــــــــــــــــــــــــــــــــ
• أم الدنيا راحت دوغري ...
• لزيارة أختها سعودية ....
• شافت صحرا ما لها حدود ...
• أراضيها خصبة وغنية ...
• لكن يا حسرة عليها ...
• فيها البوم عامل وردية ..
• مريضة بالحزن الأسود ...
• مش فيها زرعة ولا ميه ...
• أم الدنيا صابتها الحيرة ...
• قام سألت أختها سعودية ؟
• عندك إمكانيات الدنيا ...
• وعاجزة عن زرعة عافية ..!!
• لو كان عجزك في الماء ...
• نهر النيل ملكك يا عينيا ...
• اعمل ليكي وصلة منه ...
• بـأنابيب صلبة وقوية ...
• وازرع لك الربع الخالي ...
• خيره يبقي ليكي وليا ...
• علي طول وافقت الرياض ...
• قالت أفكارك ذهبية ...
• أم الدنيا دي أم ولادنا ...
• وأم الأمة العربية ...
• في ظرف ايام معدودة ...
• صارت الصحرا ....
• عروسة صبية ...!
• الزرع الأخضر بيرفرف ..
• في أراضي نجد الحجازية ...
• الزرعة تطرح فدادين ...
• أحسن من بترول تعدين ...
• وببركة أشرف الخلق ...
• رسولنا هادي البشرية ...
• رسولنا هادي البشرية ...
• ـــــــــــــــــــــــــــــــــــــــــ
• أم الدنيا راحت اليمن ...
• شافت صحرا كلها قات ...
• قالت ايه الشجرة دى ..؟
• قالوا عشان المزاجات ...!
• زعلت أم الدنيا منهم ...
• قالت فين إنكار الذات ..؟
• وسألت بلقيس فين عرشك ؟
• قالت راح ومعاه حاجات ..
• قامت تبكي علي اليمن ...
• لما الحوثي قلبه ساحات ...
• استولي علي الحكم فيه ...
• وجعله عايش أزمات ...
• كنت فاكر لسه سعيد ...
• أم الدنيا شافته صراعات ..
• قالت يا خسارة علي أرضك ..
• ألف خسارة كمان علي عِرضك..
• صار اليمن حزين ومات ...!
• صار اليمن حزين ومات ...!
• ـــــــــــــــــــــــــــــــــــــــــــــ
• أم الدنيا جمعت أولادها ...
• قالت اصحوا يا مصريين ...
• صحاريكم علي طول الوادي ...
• اقتحموها بالملايين ...
• ازرعوها قمحات خضراء ...
• تبقي عيشكم ليه ساكتين ؟!
• مش معقول نشحت قمحاتنا ...
• من إبليس والشياطين ..!
• يا أولادي نفسي تفوقوا ...
• زى ما فاق الصينيين ...
• العمل عندهم عبادات ...
• وأنتم في العسل نايمين !!
• نهر النيل زعلان علي حالكم ..
• قال لهيرودوت آسفين ...!
• مصر تبقي هبة النيل ....
• وأمانة في رقبة فراعين ..
• أمانة في رقبة فراعين ...
• أمانة في رقبة فراعين ..!
• ــــــــــــــــــــــــــــــــــــــــــــــــــــــــــــــــــ
• أحمد عبد اللطيف النجار 
• شاعر أم الدنيا