*& ملحمة أم الدنيا ... مصر الدنيا ( 39 ) &* غمّض عينيك ..... واحلم معايا ....! & الجزء التاسع والثلاثون& كلمات أحمد عبد اللطيف النجار شاعر أم الدنيا &&& مصر والعرب سنة 5600 ميلادية &&&

• *& ملحمة أم الدنيا ... مصر الدنيا ( 39 ) &*
• غمّض عينيك ..... واحلم معايا ....!
• & الجزء التاسع والثلاثون&
• كلمات 
• أحمد عبد اللطيف النجار 
• شاعر أم الدنيا
• &&& مصر والعرب سنة 5600 ميلادية &&&
• ها قد وصلنا للقرن السادس والخمسين الميلادي ،،، يعني سنة 5600 ميلادية .
• في ذلك القرن العجيب ظهرت دول عربية جديدة ، كانت مثل الحمل الكاذب تماما !
• تلك الدول اللقيطة طلبت الانضمام إلي أخواتها العربيات في المنظومة العربية ، وكذلك الانضمام إلي جامعة الدول العربية المريضة !
• أول تلك الدول ، دولة كورة ستان علي حدود العراق وإيران .
• اسمها غريب اعلم ذلك وستعرفون السبب لاحقاً !
• ثم دولة شوكة ستان علي حدود العراق وسوريا ، ثم 
• دولة حليب ستان علي حدود مصر والسودان ، ثم دولة بكش ستان علي حدود الأردن وإسرائيل ، وأخيراً دولة قوطة ستان علي حدود قطر والأمارات العربية المتحدة .
• كلها مسميات غريبة لدول لقيطة ظهرت علي الساحة العربية في ذلك القرن العجيب !
• وكان المطلوب من الجامعة العربية أن تعترف بهم وتضمهم للمنظومة العربية !
• فماذا فعل عواجيز الفرح في الجامعة العربية المريضة ؟!
• ــــــــــــــــــــــــــــــ هيا لنعرف ـــــــــــــــــــــــــــــــــــــ
• شاكو ماكو ...شاكو ماكو ..
• كل العرب ما احلاكو ...
• في العراق وزمن صدام ..
• كانت الكورة تعني هولاكو ...
• ابنه عُدي عمل ...
• نادي اسمه آكو ...
• وفريق الكورة العراقي ....
• يتعاقب بالفلقة عادي ....
• يبقي نهاره زي مساكو ...
• شوفنا وعشنا أهوال ...
• وعصر أم المعارك ...
• وزوجها أبو الأبطال ....
• سبحان من له الدوام ...
• ومغيّر فينا الأحوال ...
• راح صدام وأيامه ...
• واتحّكم فينا الأنذال ...
• قرر إقليم كوردستان ...
• يعمل علي قده فستان ...
• قال اعمل استفتاء ...
• يبقي اسمي كورة ستان ..!
• عشان حكّام العراق ...
• يبقوا في توهة ونسيان !
• وأعلن الحكم الذاتي ...
• وانفصل عن المكان ...
• دول العالم اعترفت بيه ..
• قالت تحيا كورة ستان ...
• والجامعة العربية احتارت ...
• في أكراد أفعالها جنان !
• اجتمع عواجيزها وقالوا ...
• نرفض دولة خانوا وخان !
• كورة ايه أرضنا ضاعت ...
• بكيت روحنا علي الأوطان ..
• بكيت روحنا علي الأوطان !
• ـــــــــــــــــــــــــــــــــــــــــــ
• وفوجئنا بدولة حرافيش ...
• اسمها شوكة ستان ...
• ظهرت عند السوريين ...
• هناك في آخر الزمان ...
• قالوا دي كلها أشواك ...
• وشعبها كان اسمه إنسان ..!
• يحكوا عنه قديماً قالوا ...
• في سالف عصر وأوان ...
• سوريا كان فيها رياحين ...
• وأزهار فل وريحان ...
• شعبها كان عايش حب ...
• وسلام ومحبة وأمان ..
• فجأة هجم عليه جراد ...
• ومعاه آلاف الغربان ...
• ومعاهم كان الخراب ....
• تحت رعاية الأمريكان ...
• دافع الشعب عن وطنه ...
• لعن الخاين والخوان !
• فجأة قامت دولة عجيبة ...
• علي حدوده مع العربان !
• سألوا شو اسمها ...؟
• قالوا عنها شوكة ستان !
• قالوا والله صحيح دي شوكة ...
• شعبها كأنه شيطان ..!
• راحوا الجامعة العربية ...
• عايزين يعتمدوا العنوان ...
• الجامعة رفضت طلباتهم ...
• قالت أشواكنا كثيرة...
• عروبتنا كلها أحزان ...
• عروبتنا كلها أحزان ...!
• ــــــــــــــــــــــــــــــــــــــــــ
• وكمان فوجئنا علي ...
• علي حدود السودان ...
• دولة غريبة في حدود مصر ...
• بتقول اسمي حليب ستان !
• قلنا يا عيني والله زمان ...
• كل حليبنا مغشوش رايب ...
• و القشطة أسعارها جنان ..!
• سألنا مين حكامها ..؟
• قالوا أكيد بقرة وثور ...
• في حلايب عاشوا بأمان ..
• دي حلايب أرض مصرية ...
• واللي يطمع فيها مُهان !
• قالوا الدولة المصرية ...
• تركتها من غير شريان !
• مش فيها مخاليق عايشين ..
• كانوا من إنس او من جان !!
• من أجل اطماع الدنيا ...
• طمع فيها السودان ...
• قالوا نعلن فيها دولة ...
• يبقي اسمها حليب ستان !
• وراحوا الجامعة العربية ...
• عايزين يحجزوا مكان !
• الجامعة لطمت علي خدودها ...
• قالت ممنوع السرحان ...!
• دولة إيه اسمها حليب ....
• وعروبتنا كلها هوان ...!
• عروبتنا كلها هوان ...!
• ـــــــــــــــــــــــــــــــــــــــــــ
• أم الدنيا صرخت فيهم ..
• قالت يا كل العربان ...
• أوطاننا ليه تتقسم ؟
• واليهود عايشين في كيان !
• حافظوا علي أوطانكم ...
• أحسن تبقوا في طي النسيان !
• والوطن العربي يتفكك ...
• لأجل عيون الأمريكان ...!
• عايزين شرق أوسط ناسه...
• عايشة دايما في توهان !
• فيه ثورات وانقلابات ...
• يبقي ربيعه خريف عيان !
• لازم تصحي كل شعوبنا ...
• تبقي في نوبة صحيان ...
• ولا يتحكم فينا عويل ....
• او يحكمنا في يوم جبان !
• او يحكمنا في يوم جبان ..!
• ــــــــــــــــــــــــــــــــــــــــــــ
• فوجئت أم الدنيا بدولة ...
• اسمها بكش ستان ...
• علي حدود الأردن قامت ...
• وجيرانه يهود أمريكان ...
• قالت اسمها مشبوه خالص...
• ماله مثيل في البلدان !!
• قالوا دي دولة صغيرة ...
• عايش فيها كتير خرفان ..!
• يسرقوا في مراعينا وينسوا ...
• إن العربي فيها مُهان !
• والأقصى كمان مأسور ...
• سجانه يهودي جبان !
• راحت دولة بكش ستان ...
• تطلب من الجامعة العرفان ..
• هدفها تعترف بيها ..
• وتكون وطن من الأوطان ..
• الجامعة العربية انزعجت ...
• من كل هذا الفلتان ...!
• قالت حياتنا صارت بكش ...
• قوميتنا في خبر كان ...
• قوميتنا في خبر كان ...!!
• ـــــــــــــــــــــــــــــــــــــــــــ
• لكن اغرب دولة كانت ..
• حاجة اسمها قوطة ستان ...
• علي حدود اختنا قطرية ...
• وإمارات آل نهيان ....
• أم الدنيا سألت عنها ...
• قالوا حاكمها عقله جنان ...
• بلده فيها كنوز الدنيا ...
• ومعشش فيها الغربان ..!
• سألوه ليه اسمها غريب ؟
• قال أنا اغرب بني إنسان !
• بلدي الحلوة اسمها قوطة ...
• قلبي عشانها ولهان ...
• عايز اعتراف من الجامعة ..
• رافضة وتقول لي سيان ...!
• عرفت قوطة أنها واهمة ...
• وحاكمها تفكيره توهان ...
• قالت ارجع عند أخواتي ...
• اللي يعاديهم خسران ...
• اللي يعاديهم خسران ...
• اللي يعاديهم خسران ...!
• ـــــــــــــــــــــــــــــــــــــــــــــــــــــــــــــــــــــ
• أحمد عبد اللطيف النجار 
• شاعر أم الدنيا