((٠٠عن العيون٠٠)) بقلم الشاعر/الشربينى محمود الرفاعى
((٠٠عن العيون٠٠))
قريت كتير
عن العيون وسحرهم
وعرفت ليه
قلوب كتيره
غرقت ف بحرهم
وقلوب كتيره
دابت من مكرهم
حذرت قلبى
سنين طويله منهم
وقلت له:ابعد ياقلبى
ابعد بعيد عنهم
مسألش فيا
خدنى ورمانى ف حضنهم
رمانى جوه
بحور عنيكى
قلت البقاء لله ياقلبى
ايه اللى وداك عندهم
أزاى هتهرب منهم
ازاى هتبعد عنهم
ياقلبى مانتاش قدهم
هيخدعوك بقربهم
ويعذبوك بهجرهم
وتلاقى نفسك ف النهايه
انت البرئ والمتهم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بقلم الشاعر/الشربينى محمود الرفاعى
ليست هناك تعليقات:
إرسال تعليق