فصحى ---- قصة --- عمودى ---- نثر ---- حر

مجلة منتدى شعراء احرفهم باقيه للشعر والادب

السبت، 28 أكتوبر 2017

أعبر السما ==== بقلم الشاعر ===== رمضان العلالقة

  • أعبر السما
  • ~~~~~
  • ماشي معاك سكتي
  • بندوس سنين الشوك
  • و أكوام من التنهيد
  • قبلك و في وحدتي
  • في أرضي جف الشوق
  • أبدر بذور الأمل
  • تطرح غصون أحلام
  • إفرد قلوع ضحتك 
  • حلق على المسافات 
  • أوعاك تقول دنيتك 
  • مليانة بالأحزان 
  • إكسر فروض الألم
  • و إبعد عن الأوجاع
  • لو كان بأيدي الزمن
  • لرجع لأول يوم
  • أشعل شموع الأمل
  • و أحلم في عمري القاك
  • ما كنت أشوف زلتي
  • في الناس و أقول مصدوم
  • بهدي حنين مهجتي
  • يا ملاك من الرحمن
  • يا قلب من رقته
  • زارع حياتي أشجار
  • يا نبع من ميته
  • يروي زهور بتسان
  • البسمة من شفتك
  • بتقول كلام أشعار
  • أملي معاك يا ملاك
  • ننسى خطاوي الأسى
  • و نعيش في عهد جديد
  • بيطل منك أمل 
  • يجدل حبال النور 
  • في عينيك بشوف ضحكتي
  • لوحة بروح مشتاق
  • أعبر معايا السما
  • نعزف على الأوتار
  • نرقص في درب الهوى
  • و نغني ليل و نهار
  • تدفي ليل الشتا
  • م البرد و الأمطار
  • أرضي كاسيها الشجر
  • ما عدت أقول رحال
  • دابت جبال الوجع 
  • طرحت أمل و أمال 
  • ~~~~~~~~~~
  • بقلم / رمضان العلالقة

ليست هناك تعليقات:

إرسال تعليق