عاشق ==== بقلم الشاعر ===== صبرى جاب الله
- عاشق
- عاشق كل حاجه جميله
- يا واخد م الخيال صوره
- عشقت الكل وقلبك مال
- لقلب ورسمه محفوره
- على جدار من ازاز مهزوز
- وفرحه تلالى اباجوره
- مهيش جايه بحلم بعيد
- ولا حاسه بفرحه عيد
- ف توبها الوان وزهر جديد
- يلونى بلون اخضر
- وشمسايه تدفينى ف عز جليد
- وقمرايه تنورلى ضلام ليلى
- تصبرنى ع الايام
- تلاعبنى وتحرمنى ما الاقى منام
- تدارى الحروف منى
- وتخرسنى ما الاقى كلام
- يا شاقه القلب بحروقك
- وطالبه السحر ييجى اوام
- انا عاشق دفى عيونك
- وخايف لحسن يكون اوهام
- يعود قلبى كما الاول
- يمامه وعاشقه فرخ حمام
- مش ممكن ابدا هيتقابلوا
- ولو كانت حتى بدر التمام
- يا رافضه تعيشى جوايه
- ولا حتى سيبانى اموت ف سلام
- عشقتك اه ومن عشقك
- شبعت واحنا ف وقت صيام
- #صبرى جاب الله
ليست هناك تعليقات:
إرسال تعليق