----مالك ياطير---==== بقلم الشاعر ===== على فياض البلصفورى
- ---------مالك ياطير---------
- مالك يا طير مين بس كسر جناحك
- خلى دموعك بتسيل وقتل جواك أفراحك
- ملعونه أيد الغدر اللى خيبت كل أحلامك
- فين لما كنت بتغنى والبلابل تعشق كلامك
- مالك يا طير مين بس كسر جناحك
- كانت السما بتنادى عليك وتتمنى سلامك
- هزمك عجرك وعلى جزوع النخل والأرض بتنهى حياتك
- حزين عليك والنبض بيصرخ أه أه ضاعت أمالك
- مالك يا طير مين بس كسر جناحك
- ببكى من جوايا كل ما أشوفك
- حزين عليك وأنت كاسرك خوفك
- خايف من شويه ريح يجى مماتك
- مالك يا طير مين بس كسر جناحك
- حبيبتك بتنادى عليك ولا نسيت غرامك
- ولا هزمها خوفك وباعت كل حنانك
- عاشق حيران على غصن مات من كتر أحزانك
- مالك يا طير مين بس كسر جناحك
- الشاعر/ على فياض البلصفورى
- قطرات الندى
ليست هناك تعليقات:
إرسال تعليق