كلمينى يا رصاصه ==== بقلم الشاعر ==== ابراهيم احمد العزونى
- حسبى الله ونعم الوكيل
- كلمينى يا رصاصه
- كلمينى وطمنينى
- لما كنتى
- ف قلب ابنى اتوجع
- حس بيكى أو اتصرع
- طب كان بيبكى
- طب مات جدع
- كلمينى يا رصاصه
- وانتى داخله بكل اسوه تقتليه
- كنتى عارفه انك رايحه تحرميه
- من حياته ومن حياتى
- دا هوا كان أطيب ولادى
- دا كان يوماتى يبوس اديه
- ويقرأ الحزن ف عنيه
- دا كان بيقضى حجاتى ليه
- دا انا
- كنت لما يوماتى اصلى
- ادعيله من كل قلبى
- يفضل طول حياتى سندى
- وبعد ما أموت يبقالى صدقه
- بس انا عشت وهوا مات
- ارهاب خد منى عمره وسرقه
- وسابلى موته ف قلبى حرقه
- يا رصاصه هوا انتى حالفه
- تختارى الشباب
- وبعد موتهم برضه حالفه
- تسكنى جوه قلب الأمهات
- طمنيني يا رصاصه
- لما جيتى ف قلب ابنى
- اتوجع حس بيكى أو اتصرع
ليست هناك تعليقات:
إرسال تعليق