***** قلبى ==== بقلم الشاعر ===== محمود عمار الزلباني
- ***** قلبى
- _____________
- يا قلبى ياللى مسكنك جنبى
- ونازل هد فى ضلوعى
- أيه- الموضوع
- لو انت موجوع
- عرفنى سبب وجعك
- أرجوك ضلعى مش حامل
- وعامل انى باتحمل
- كفايه عليا العيون اللى
- مش ناويه تجيبها البر
- أجيبها يمين - تروحلى شمال
- على ناس
- ديما بيفشوا السر
- ------
- طب دا انت ساكنى
- فى بطن امى من بدرى
- وبرضه نزلت وييايا
- ولسه ما فاهمنى
- طب اشرحلك انا مين
- طب اسمعنى وافتحلى
- حتى اذين
- انا اللى الزمن خد منى ولا ادانى
- خد منى سنين فاتت
- محسوبه عليا وبس
- خد صمتى وسكوتى
- وفات عنوانى
- لحد بيا ما حس
- لقيت نفسى انا المسجون
- وعيونى سجانى
- حرمونى من طله على بكره
- اللى لسه ما جاش
- وخلونى عايش ماضى
- عدى منى بلاش
- طب مانت كنت معاى
- وعامل نفسك الواعظ
- وعامل قصاص الاثر ليهم
- واتريهم كانوا مشاورينك
- يخطوا الخطوة- تعرفها
- ولا اعرفهاش
- لو مالوا برضه بتدبيرك
- وانا اللى مسكنك جنبى بقى لى
- سنين
- وكنت معايا فى الغربه
- بقيت تهرب ولا تقولى
- رايح فين
- ارجع لعيونى أسألهم
- القلب تاه منى
- يبصولى وفيك تاهمنى
- ولما تعود
- أحس ضلوعى وجعانى
- واعرف انك فاكر العنوان
- ----
- ارجوك بلاش الخبط فى صدرى
- وخفف عنى دمع العين
- أنا عايش فى محرابكم
- كما الناسك المسكين
- وادعى ونفسى اسمعكم
- تقولوا أمين
- ارجوكم نفسى اعيش لى
- يومين
- نفسى اعرف اللهفه
- نفسى اكون ولهان
- مش قائد لثورة الاحزان
- ومش خايف من السجان
- انا كل منايا
- تنسونى
- ويللى ساكنى
- انت عارف العنوان
- ------محمود عمار الزلباني
ليست هناك تعليقات:
إرسال تعليق