أكبر من الخلود == للشاعر === رمضان العلالقة
- أكبر من الخلود
- ~~~~~
- أكتويت من نار هوايا
- و اكتفيت ما فيه هروب
- لسه بتعب من بكايا
- نار و قاسة ع القلوب
- أبتديت أحس جرحي
- بس خايف م الزمان
- بكرة نندم ع الأماني
- بعد ما يفوت الأوان
- كل همسة ع الشفايف
- تحكي عن نفس المكان
- بس بحلم بيك و شايف
- دمعة ع العهد اللي هان
- كنت بفرح بيك و اصونك
- م الليالي في الضياع
- قولي مين غير طريقنا
- و لا ليه الحلم ضاع
- ياما قلت و كنت أحاول
- حبي ليك بلاش وداع
- كنت بسكر من كلامك
- و بسكوتك كنت أدوب
- فيك بدندن بالأغاني
- في العصاري ع الدروب
- بلتقيك دايما في بالي
- بنشغالي في الغروب
- حتى بلمح في عيونك
- دمعة تبكي الذكريات
- حبي ليك ملوش نهاية
- لما بشتاق لك بموت
- أنت ليه غيرت حالي
- ترضى بينا أزاي حدود
- هي دي كل الحكاية
- عشق أكبر م الخلود
- ~~~~~~~~
- بقلم / رمضان العلالقة
ليست هناك تعليقات:
إرسال تعليق