ملكيش نصيب ==== بقلم الشاعر ==== محمد الشرقاوى
- ملكيش نصيب
- _____________________
- ملكيش نصيب
- يا ام الشعور
- نازلة بتضحك ع الكتاف
- طبعك غريب
- زى البحور
- لما بتهجم ع الضفاف
- من كام سنة
- بحلم أنا
- مستنى أيام الهنا
- بعد الجفاف
- تيجى تزورنا وتبتسم
- من غير وداع
- والفرحة بينا تترسم
- من غير خداع
- نكتب على ضى القمر
- حرفين وبس
- الحب والشوق انتصر
- والقلب حس
- وبدأنا نبنى عشنا
- عارفين طريقنا وعهدنا
- ننده على كل البشر
- مين زينا
- داحنا السعادة كلها
- اللى بتبعت ضيها
- للمشتاقين
- للمحرومين
- للى فى قلوبهم مشكلة
- متعذبين
- وفضلت حالم بالوفا
- مستنى أيام الصفا
- لكن يا عشقى للأسف
- حلمى اختفى
- لما ابتديتى تسمعى
- كلمة عزول
- وبعدتى رافضة ترجعى
- رافضة الحلول
- خليتى قلبى يطردك
- خليتى عينى تبعدك
- لكن بقول لك واسمعى
- روحى وربى يسعدك
- انتى اللى بعتى حبنا
- بعتى الحبيب
- وانا جاى بقول لك من هنا
- ملكيش نصيب
- ______________________
- شعر /محمد الشرقاوى
ليست هناك تعليقات:
إرسال تعليق