غمّض عينيك ..... واحلم معايا ....! & الجزء الأربعون& كلمات === أحمد عبد اللطيف النجار شاعر أم الدنيا

• *& ملحمة أم الدنيا ... مصر الدنيا ( 40 ) &*
• غمّض عينيك ..... واحلم معايا ....!
• & الجزء الأربعون&
• كلمات 
• أحمد عبد اللطيف النجار 
• شاعر أم الدنيا
• &&& مصر والعرب سنة 5700 ميلادية &&&
• الأيام تمضي والعمر يمضي والأزمان تمضي ، وتبقي مصر أم الدنيا والعرب أجمعين عروس شامخة يلتف حولها أخواتها العربيات ، يحتمون بظلها وشمسها وقمرها .
• نحن الآن نعيش في القرن السابع والخمسين الميلادي ، يعني سنة 5700 ميلادية .
• حكاياتنا وأحلامنا مع ام الدنيا لا تنتهي ، حياتنا حياتها ، روحنا روحها ، طموحنا طموحاتها ، ونتمنى لها الخير كله وللعرب أجمعين .
• ذلك القرن هو قرن الأرز ، أقصد الأرز الذي نأكله كل يوم في طعامنا نحن البسطاء والمساكين المصريين والعرب
• كذلك .
• في الصين أيضا الأرز عندهم طعام مقدس ، حتي أن تحية الصباح عندهم هي ( أكلت الأرز ) بدلا من صباح الخير عندنا !
• انظروا الي كل الصينيين تجدوا بشرتهم وردية متفتحة منتعشة ، ذلك أن الأرز الأبيض يأكلونه في كل الوجبات صباحاً ومساء !
• اما نحن العرب والمصريين فنأكل الخبز الأسود المعجون بالتراب والمبيدات الحشرية !
• انظروا الي رغيف العيش عندنا شكله اسود كالح ، والله العظيم حتي البهائم ترفض أن تأكله ! 
• ونحن نأكله صاغرين ، يائسين طائعين أكثر من البهائم!
• كما تعلمون الأرز يحتاج إلي ماء كثير جدا لزراعته ، وأم الدنيا قررت أن تزرع كل أراضيها الزراعية والصحراوية بالأرز ، حتي يجده المواطن المسكين بسعر رخيص جدا ، وأيضاً لحل مشكلة القمح وعدم كفايته للأفواه الجائعة !
• ماذا فعلت أم الدنيا لحل مشكلة الماء والأرز ؟!
• ـــــــــــــــــــــــــ هيا لنعرف الإجابة فوراً ـــــــــــــــــــــ
• أرز بلادنا أخضر وطويل ...
• سنابله فيها أرز كتير ...
• الفلاح المصري الواعي ...
• عمل خيال مآتة ....
• لأجل تخاف العصافير ...
• ام الدنيا قالت شعبي ...
• لقمة عيشه فيها تقصير ...
• ايه أحسن محصول نزرعه .؟
• قالوا الأرز من غير تفكير ...
• شتلة أرز تعمل شتلات ..
• يتكاثر من غير تحضير ...
• لكن مشكلته في الماء ...
• علي طول فيه تقصير ...!
• سألت أم الدنيا الخبراء ...
• قالوا العجز ليه تفسير ...
• الشعب يعمل ترشيد ...
• يحفظه بحكمة وتدبير ...
• وكمان دول حوض النيل ..
• تزود مصر في حصتها ...
• ودا يكون أحسن تقدير ...
• راحت مصر لحوض النيل ..
• سألت مين علي النهر غفير ؟
• قالوا إثيوبيا بتعمل سد ...
• اسمه النهضة للفرافير ..
• ام الدنيا قالت ممكن ...
• دا حقها من غير تبرير ...
• لكن تحفظ حق شعوبنا ...
• في الماء من غير تقطير ..!
• حصلت مفاوضات وكلام ...
• أمرها صعب وكله عسير ...
• إثيوبيا أم راس ناشفة ...
• قالت شعبي جعان ومرير ...
• حقي أشوف مصلحته ...
• واعمل له نهضة يا أمير ...
• ردت ام الدنيا بحزم ...
• قالت شعبي احفظ له مصير ..
• حقه في النيل محفوظ ...
• هيرودوت قالها في الأساطير ..
• يعني من الآخر الميه ...
• مش ممكن تخلص من الزير ..
• مش ممكن تخلص من الزير ..!
• ـــــــــــــــــــــــــــــــــــــــــــــــــ
• ام الدنيا كان قراراتها ...
• فيها حكمة مش سادية ...
• قالت عمر ما اضر ولادي ...
• ويفرح أولاد الرفضية ...!
• لكن كلمتي مسموعة ...
• دساتيري كلها سيادية ...
• شعبي عمره ما يعطش ابدا ...
• حتي لو عملوا حنفية ....
• إثيوبيا خليها تعيش ...
• حد يرضي لأخته أذية ..!
• وهيا كمان لازم تراعي ...
• شعوب النيل آخر مراعية ...
• عندي سد أسوان ...
• قادرة ابني سدود ألفية ...
• لكن الحل الامثل إيه ..؟
• نعمل سوا اتفاقية ...
• كل دولة لها حصتها ...
• حتي تستكفي من الميه ...
• وافقت إثيوبيا علي طول ...
• قالت ام الدنيا عينيا ...
• وحصلت مصر علي حقوقها ...
• بالسياسة والدبلوماسية ...
• بالسياسة والدبلوماسية ...!
• ـــــــــــــــــــــــــــــــــــــــــــــــــ
• جمعت أم الدنيا ناسها ...
• قالت شعبي عدده كبير ...
• لازم نكتفي في أقواتنا ...
• ولا نلجأ ليهودي حقير ...
• القمح المصري موجود ...
• لكنه صعب التطوير ...
• أحسن منه نزرع ارز ...
• محصوله بركة ووفير ...
• مشكلة الماء محلولة ...
• أحبابنا علي النيل كتييير ..
• وعملت لكم اتفاقيات ...
• أصل الميه دي تبقي مصير ...
• ازرعوا أراضيكم براحتكم ...
• شتلات أرز وجرجير ...
• في الصين عملوها بجدارة ...
• وأخونا محمد مهاتير ...
• في ماليزيا الأرز أساسي ...
• عملوا منه رقاق وفطير ...
• الفلاح الماليزى واعي ...
• متصاحب ويا العصافير ...
• قال الأرز دا قوت عيالي ...
• مش عايز عصفورة تطير ..
• العصافير قالت سو سو ...
• ربك رزاق يا كبير ...!
• ربك رزاق يا كبير ...!
• ـــــــــــــــــــــــــــــــــــــــــــ
• الفلاح المصري الوعي..
• انتج من القيراط فدادين ...
• الأرز لكل الشعب ...
• الكل يناموا شبعانين ...
• واستغني الناس عن القمح ...
• وعيشه اللي مخبوز بالطين ...
• يا ما أكلنا عيش أسود ...
• ترفض تأكله الحيوانات ..
• أكلناه إحنا البني آدمين ...
• نعمل إيه في مخابز بلدي ...
• خبزت لينا تراب بعجين ..!!
• كان لازم نبحث عن حل ...
• ونقول للقمح آسفين ..
• لقينا الأرز بلونه الأبيض ...
• قولنا غيره مش عايزين ...
• ونسينا رغيف العيش ...
• وأيامه السودة علي الطوابين !
• فاض الأرز عن استهلاكنا ...
• قولنا للتصدير جاهزين ..
• كنا نصدر لكل العالم ...
• أرز مصري إنتاج فراعين ..
• وجمعنا العُملة الصعبة ...
• بسهولة وكل حنين ...
• العالم انبهر بإنتاجنا ...
• من الأرز إحنا عارفين ...
• عرفت أم الدنيا طريقها ...
• وسط الأشواك والثعابين ...
• ولا نشحت قمح من الدنيا ...
• يقولوا علينا شحاتين ...
• ونأكل من كد أيدينا ...
• أحسن من ايدين شياطين ...
• تبقي تحية صباحنا جديدة ...
• أكلت الأرز ومعاه فيتامين ..!
• ونعمل منه حلويات ...
• لأم كل المصريين ...!
• أصل أم الدنيا حياتنا ...
• عايشة في ذاتنا ...
• مش مجاملة ولا تهوين !
• مش مجاملة ولا تهوين !!
• مش مجاملة ولا تهوين !!
• ــــــــــــــــــــــــــــــــــــــــــــــــــــــــــــــــــ
• أحمد عبد اللطيف النجار 
• شاعر أم الدنيا