*& ملحمة أم الدنيا ... مصر الدنيا ( 45 )&* غمّض عينيك ..... واحلم معايا ....! & الجزء الخامس والأربعون & كلمات أحمد عبد اللطيف النجار شاعر أم الدنيا

• *& ملحمة أم الدنيا ... مصر الدنيا ( 45 )&*
• غمّض عينيك ..... واحلم معايا ....!
• & الجزء الخامس والأربعون &
• كلمات 
• أحمد عبد اللطيف النجار 
• شاعر أم الدنيا 
• & مصر والعرب وإفريقيا سنة 6200 ميلادية &
• نعيش الآن في القرن الثاني والستين الميلادي ، يعني سنة 6200 ميلادية .
• في ذلك القرن اتجه المصريين نحو دول أخري للعمل فيها وتعميرها ونشر الخير والرخاء في أراضيها .
• ذهبوا إلي مالي ثم الجزائر ثم المغرب ، ثم الأردن وأخيراً البحرين .
• ـــ هيا بنا نعرف ماذا فعل المصريين في تلك الدول ؟ ـــــ
• راح المصريين علي مالي ...
• وجدوا فيها إرهاب مستور ...
• جماعات إرهابية كتير ...
• في مالي كان ليها حضور ...
• دواعش علي قاعدة ونايمة ...
• جعلوا مالي بلد مهجور ...
• صحاريها كلها خراب ...
• وشعبها كله مأسور ...!
• صرخ المصريين علي مالي ..
• زعلت قالت طب وأنا مالي ..!
• الإرهاب مسيره يغور ...
• أم الدنيا زعلت منها ...
• علي ضياع احلي سنينها ...
• والدم في أراضيها بحور ...
• جمعت شعب مالي الطيب ...
• قالت مالي كلها رجال ...
• ليه سايبين صحاريها خالية ؟
• وأنتم في مجاعة وأوحال ...
• أرض بلادكم فيها خصوبة ...
• زرعها يكفي أجيال ...
• أنتم ناقصكم بس عزيمة ...
• لأجل تتبدل الأحوال ...
• لو علي داعش دي عصابات ...
• ومصيرها مؤكد لزوال ...
• لازم يصحي الشعب المالي ...
• ينقذ وطنه من الأنذال ...
• ينقذ وطنه من الأنذال ...!
• ـــــــــــــــــــــــــــــــــــــــــــــــــ
• راح المصريين وهران ...
• عند أختهم جزائرية ...
• أم المليون شهيد ....
• وتاج الأمة العربية ...
• سألت عن أحوالها قالت ..
• أسعار البترول في النازل ...
• ومفيش زرعة ولا تنمية ...
• زعلت منها ام الدنيا ...
• قالت يا أم الأحرار ....
• عبد القادر صادق النية ...
• فين شعبك يهجم علي الصحرا ..
• فيها كنوز متدارية ...
• لو كان علي البترول راح ينشف ..
• وآباره تطرخ ملوخية ...!
• أرضك فيها أعلي خصوبة ...
• الغربان عملوها وسية ...
• زحف المصريين علي الصحرا ...
• ومعاهم أمة جزائرية ...
• زرعوا صحاريهم قمحات ...
• وعملوا عليها كمان وردية ...
• القمحات طرحت قناطير ...
• وسنابل قمح ذهبية ...
• فرحت اختنا جزائرية ...
• راحت شكرت أم الدنيا ...
• اللي حلتّ القضية ...
• اتللي حلتّ القضية ...!
• ـــــــــــــــــــــــــــــــــــــــــــــــ
• راح المصريين الدار البيضاء ...
• عند أختهم مغربية ...
• شافوا شعب حقيقي جميل ...
• يهديهم بسمات وردية ....
• سألت عن أحوال مملكته ؟
• قالوا حلوة لسه صبية ...
• مشكلته مع البوليساريو ...
• ممكن تكون حصرية ...
• يتفاهموا علي كل أمورهم ...
• من غير حيرة ولا ندية ...
• المملكة فيها صحرا كبيرة ...
• عايزة رجال خالصة في النية ...
• الفراعين هجموا علي الصحرا ...
• ومعاهم أختهم مغربية ...
• وزرعوا أحسن محاصيل ...
• بأيادي فرعوني أصيل ...
• طرحت خير للبشرية ...
• وانتهت حرب البوليساريو ...
• والصحراء المغربية ...
• وحدثت في المغرب طفرات ...
• ومشاريع تنموية ....
• المغرب شكرت أم الدنيا ...
• وأهدتها أحلي تحية ...
• وأهدتها أحلي تحية ...!
• ـــــــــــــــــــــــــــــــــــــــــــــــــ
• الفراعين راحوا العقبة ...
• عند أختهم أردنية ...
• سألوا عن صحتها قالوا ...
• أختكم أرضها جبلية ...
• وفي صحتها بركة وعافية ...
• جعلتها صلبة وقوية ...
• بجوارها صهيوني خسيس ...
• عامل علي الأقصى وردية ...
• شعب الأردن أصله كريم ...
• وحبيب الأمة العربية ...
• علي حدوده واقفة أسود ...
• يمنعوا عنه أي أذية ...
• وكمان عايش في أحضانه ...
• لاجئين أخته السورية ...
• بشهامة وكرم العربي قال ...
• أفديهم بروحي وعينيا ...
• فكرني بالوحدة الغالية ...
• أيام عروبتنا المنسية ...
• الفراعين عملوا في الأردن ...
• مشاريع هايلة استثمارية ...
• ومصانع للأيد العاملة ...
• دا الأيد البطاّلة خطية ...
• الأردن شكرت من قلبها ...
• أم الدنيا المصراوية ...
• أم الدنيا المصراوية ...
• ــــــــــــــــــــــــــــــــــــــــــــــ
• راح الفراعين البحرين ...
• وعاصمتها المنامة ...
• شعبها أطيب منه مفيش ...
• بالكرم العربي وشهامة ...
• سألوا عن أحوال أراضيهم ...
• قالت لينا في البحر علامة ...
• لكن مرحب بالفراعين ...
• معدن طيب أصل وخامة ..
• مملكة البحرين تتشرف ...
• بالمصري وعمله ومقامه ...
• ونكون في أحضان الدنيا ...
• وأحضان أم الدنيا ...
• ننسي كل جراح وآلام ....
• عشان مصر رفيعة القامة ...
• عشان مصر رفيعة القامة ...
• عشان مصر رفيعة القامة ...!
• ـــــــــــــــــــــــــــــــــــــــــــــــــــــــــــــــــــــ
• أحمد عبد اللطيف النجار 
• شاعر عربي