غمضو عنيكم ==== بقلم الشاعر ===== صبرى قنديل
- غمضو عنيكم
- ونامو فى الرمال
- زى النعام
- وأوعو حد فى يوم
- يعارض ولا مره
- يعلا صوته بالكلام
- ولا يسأل عن حقوق
- اللى عاطل ماله شغله
- بعد ماخلص علام
- ولا حتى تشتكو
- من القمامه فى المدارس
- والشوارع ولا فى
- المستشفيات
- ولا عن حق اللى
- عايش عالرصيف
- ولا عن حق اللى مات
- يعنى خدها نصيحه
- ورضا ولتزم حد السكات
- يعنى أضحك غصب عنك
- مهما كان جواك أهات
- وأشتكى لله فى سرك
- وأوعى تتحسبن علينا
- أنت شايف كلنا
- بقا تحت أمرك
- ونخدمك برموش عنينا
- فيها أيه لو كنا شلنا
- الدعم عنك
- فيها أيه لو نمص
- الدم منك
- فيها أيه لو تشيب
- وأنت لسه فى
- صغر سنك من الهموم
- فيها أيه لو تلاقى
- الحيمل بيزيد
- فوق كتافك كل يوم
- ما أنتو أصلا من زمان
- متعودين عالسكوت
- وبالكا والانين
- ما أنتو من يوم
- ما تولدتو وأنتو
- أصلا مايتين
- ===============
- بقلمى صبرى قنديل
ليست هناك تعليقات:
إرسال تعليق