يااااااه ياابن بطنى ==== بقلم الشاعر ===== ابراهيم احمد العزوني
- يااااااه ياابن بطنى
- ياه ياإبنى
- يابن بطنى
- قدرت عليه تإسى
- ومن بيتى جاى تطردنى
- بتقولى تعالى يااما
- اوديكى بيت جديد
- بدل ماتيجى
- وتترمى فى حضنى
- قدرت يابنى تإسى
- وعايزنى كمان انسى
- صورة ابوك
- اللى متعلقة ع الحيط
- وصورتى انا وهوا
- ف يوم الزفاف
- ازاي يابني أنسى
- بطانيته واللحاف
- ياابنى بالنسبالى
- ابوك ما متش
- أبوك عايش معايه
- فى وسط الذكريات
- جاي تقولى قومى
- وكمان ألم هدومى
- وعايز تودينى
- بيت جديد
- اعيش فيه مرتاحه
- ياابنى مع زكريات ابوك
- بحس فيها براحه
- ياابنى ليه مصمم
- الم الهدمتين
- وآخد معاهم
- الشبشبين والطرحتين
- ما تقولى ياإبنى
- واخدنى فين
- ياابنى انا ليه بيت
- ومين قالك انا عايزه بيت
- هوا انا ياابنى
- كنت اشتكيت
- ياابنى انا جيت هنا
- عروسه صغيره
- وعمري بقا
- خمسين سنة
- وعشت هنا لما إنحنيت
- ********
- قومى ياما
- ماتخفيش انا مش ناسكى
- ع البيت الجديد
- أوديكى
- ريحنى ياابنى وقولى
- إنت مودينى فين
- تعالى ياما
- هوديكى دار المسنين
- مالك قوليلى
- بتبكى ليه
- ياااااااااه يابني
- متشكريييييين
- خلاص بقيت عليك
- حمل تقيل
- طب ياابنى ان كنت
- من أجل العيال
- عايز تاخد السرير
- خده مش مهم
- انا ممكن انام
- ع الحصير
- بس ياابنى من
- صورة ابوك ماتحرمنيش
- وسيينى وسط
- عيالك أعيش
- هوا انا يابنى
- هعيش أد اللي عشته
- يااااااه ياابنى
- دا انا ياما سهرت عليك ليالى
- وﻻ نسييييت
- هتسبنى ياابنى
- ولا خلاص على امك
- إسييييييت بقلم @ابراهيم احمد العزوني
ليست هناك تعليقات:
إرسال تعليق