ياريت تفهم!! === بقلم الشاعر ===== محمود سليمان
- ياريت تفهم!!
- بأن الحب لا بايدي ولا بأيدها.
- ولا مجبور ع التوها ف دنيتها.
- ولا كان ليا اصلا فيه ..
- بنات يامه رامولي الكحل ع السكه
- وبنات أكتر سقوني الحب بروشته.
- وكان الرد مش هقدر
- ورجلي تعدي من فوقه
- ولا بصش يا خلق عليه.
- وجت هي ..بكل الحسن والرقه.
- ورشاقتها ..وجسمها الفاتن..
- سكرت بنظره....مش عارف.
- انا شايف.
- ولا خايف.
- أكون زودت ف النكوتين.
- وادمنت العيون دولا.
- وخدت الجرعه بزياده.
- وبعد ده كله بتلومني
- عشان من بين بنات حوا..
- عنيا وقلبي حبوها.
- وجايه تقولي بزياده.
- عشان خاطري متحكيش فيه.
- طب أفهم ليه؟
- وليه بعد السنين ديا
- بتطلبي مني أن أسكت
- ولا اتكلمش..
- وليه جايلي متأخر
- ومش عيزاني متألمش.
- يا قلبك حب يانسيتي.
- بأن الحب لا بايدك ولا بايدي
- ولا كان ليا حكم عليه.
- بأنه يحب مين عن مين.
- إجابتك حتي مش منطق.
- ولا تخص الحقايق ليه.
- كأنك جايه تنهيني...ومش عيزاني حتي أنطق.
- ولا استنجد.
- ولا أستغرب.
- ولا ف عز الوجع ارمي..سهام من ضحكي ع الافيه.
- ياريت تفهم!!
- بأن الحب مش مارد ..ولا جني.
- بدعكه بايدي راح يطلع..
- وشبيك يلا اامرني..فيبقي الامر يتركني.
- وف الحال أمري راح يسمع.
- ده حب... وغيره... وتعود ...
- وعشره.. وجيره...بين لمه..
- وصوت صاحب صدأ صوتي.
- وضمه حضن بتموت حاجات لما.
- بنبقي ف ازمه ونعيط.
- ياريت تفهم
- كلمات /محمود سليمان
ليست هناك تعليقات:
إرسال تعليق