إنتهى الدرس ياغافل ==== بقلم الشاعر ===== طارق السيد
- إنتهى الدرس ياغافل
- ياعنب الشام يايلح اليمن
- يامحروم يانا من الإتنين
- مافيش فى حياتى غير الأحزان
- وعذاب وآهات ودموع العين
- بحر وموجو بيضرب فيا
- موجة ورا موجة والموجة عفية
- وسما مليانة صقور ونسور
- وأنا طير مجروح وجناحي مكسور
- مش عارف ليه أنا عيشتي فى غم
- وليه الهم ما راضي يتلم
- دنيا وطاحنة ياناس فى عضامي
- ماشوفت بصيص من نور قدامي
- نمت ودمع الذل فى عيني
- أتمنى فى حلمي السعد يجيني
- طيف صحاني وقاللي ياغافل
- صلي الفرض وصلي نوافل
- يالمكفول أذكر فى الكافل
- تلقى الخير جايلك فى قوافل
- دا اللي لسانه مايذكر ربه
- عيشة الضنك بسيفها تحاربه
- قمت يسرعه أتوضى وأصلي
- وأدعي لربي يعيني تملي
- لساني وقلبي يعيشوا بذكره
- وأصد فى شر شيطاني ومكره
- ياللي فهمت الدرس إفتكره
- وياللي ماتفهم درسي... تذاكره
- بقلم طارق السيد
ليست هناك تعليقات:
إرسال تعليق