دموع الشقى. ==== بقلم الشاعرة ===== رانيا مغربى
- دموع الشقى......
- يا مسحة الدمع بكفوفك
- وكف الضنا بقى محنى
- توب الذل مش توبك
- يا ست الكل ياأمى
- شيلة الكل فى عينيكى
- بدعى لربى يحميكى
- لبسة الحزن من يومك
- سواد الهدمة مش لونك
- ولا كان الهم كان ليكى
- وخط الزمن تجعيدة
- وساب أثر الشقى فيكى
- هى الحياة معنداكى
- ولا الزمان هدك
- ومر العمر ما داكى
- يا نخلة مين هزك
- تاج العزة على راسك
- يا فخر لأهلك بقى وناسك
- ياأما بقولها بحروفك
- رب السما بقى يصونك
- يا مسحة الدمع بكفوفك
- رانيا مغربى
ليست هناك تعليقات:
إرسال تعليق