مساء الإبتسامة أجازة ==== بقلم الشاعر ==== ابو ندى عبدالجواد
- مساء الإبتسامة
- أجازة
- .
- أهم حاجة
- فى الأجازة
- تقضيها خصام
- .
- وتخليك فى حالك
- وتحافظ على مالك
- من طلبات المدام
- .
- وإذا حاولت تصالحك
- كشر وغير ملامحك
- وإقفل معاها الكلام
- .
- أحسن تلهف الماهية
- وتبكى إنت وهى
- ميت سنة لقدام
- .
- وإسهرلك شوية
- واتعشى ملوخية
- واتغطى ونام
- .
- واحلم إنك وزير
- ومعاك دهب قناطير
- يمكن تتحقق الأحلام
- .
- وإبقى إبعتلى وناديلى
- عشان أكتبلك مواويلى
- وتسلفنى قرشين تمام
- .
- يمكن يحلوا زنقة
- عشان أنا عندى خنقة
- والمرتب جايبلى زكام
- .
- أقولك على حاجة
- أحلامك عبيها فى التلاجة
- وقل ع الدنيا السلام
- بقلمى ابوندى
ليست هناك تعليقات:
إرسال تعليق