- تحيه واهداء لكل جندي مصري علي مر التاريخ
✌
🍀
🌹(( الجنديه شرف ))🌹🍀✌- رافت يوسف
- _____________________________
- ✌الجنديه شرف وانت ياواد اصيل
- بلدك امانه يابني ردليها الجميل✌
- ______________________
- عودك من نبت بلدك ولون سمار جدودك
- خليك ياولدي راجل ومرابط فوق حدودك
- توبك مصري اصيل من ميه نبع نيل خليك علي قد توبك
- حب الوطن في دمك دي مصر هي امك وجودها من وجودك
- _________________________
- ✌الجنديه شرف خليك ياواد اصيل
- بلدك امانه يابني ردليها الجميل✌
- ________________________
- في كل حته يابني معروف باسم بلدك الكل يعرفوك
- وإنك مصري ابن مصري راجل من ظهر ابووك
- بلون سمار بلادك روح الوطن دا زادك بالمصري بينادوك
- صوره كفاح جدودك راسمنها في الكتاب وانك وقت المواجهه الكل بيخافوك
- ___________________________
- ✌الجنديه شرف خليك ياواد اصيل
- بلدك امانه يابني ردليها الجميل✌
- ______________________________
- ماتخفشي م الرصاص وانك في يوم تموت
- اطلب م الله شهاده عرفهم انك انت في وسط النار تفوت
- وقولهم ابويا كان جندي في جيش بلادي وحبه ليها موت
- وبيفتخر لكونه زي الجنديه لبسه ويقولها باعلي صوت
- _______________________________
- ✌الجنديه شرف وانت ياواد اصيل
- بلدك امانه يابني ردليها الجميل✌
- ____________________________
- فاتت سنين ياولدي وانا باحلم اني اعود واخدم من تاني بلدي
- بصي لصورتي هاتعرف كونك جندي تشرف وتقول اناهاحمي ارضي
- وقت العزيمه جاي خليك حازم وصارم وشوفهم في ملامحي
- وان التراب وبلدي وسنابل قمح دهبي هما دمي وعرضي
- ________________________
- ✌الجنديه شرف وأنت ياواد اصيل
- بلدك امانه يابني ردليها الجميل✌
- _______________________
- هاوصيك ياولدي انك خلي صحابك في ضلك وحبوا التراب زياده
- ومش ناسي اني اقولك خلي السلاح يضمك ونفذ الاوامر خليك طوع القياده
- خليك جاهز تملي شد الهمه وعلي خليك بالشده دايما والخوزه والبياده
- واهتف باعلي صوت هافديكي يابلدي دايما
- وتعيش ياجيش بلادي
- ____________________________
- ✌الجنديه شرف خليك ياواد اصيل
- بلدك امانه يابني رد ليها الجميل✌
- ___________________________
- رافت يوسف
- حقوق الطبع محفوظه للشاعر@
✌🍀🌹(( الجنديه شرف ))🌹🍀✌✌الجنديه شرف وانت ياواد اصيل✌✌الجنديه شرف خليك ياواد اصيل✌✌الجنديه شرف خليك ياواد اصيل✌✌الجنديه شرف وانت ياواد اصيل✌✌الجنديه شرف وأنت ياواد اصيل✌✌الجنديه شرف خليك ياواد اصيل✌
ليست هناك تعليقات:
إرسال تعليق