صباحكم ورود عاطره ==== بقلم الشاعر ===== محمود شبيب
- صباحكم ورود عاطره
- ===
- يسعد صباحك يا ورد نادي
- يللي عم تفوح شذى وعطور
- لا لا ما جابت يوم ولاده
- مثلك ولا ح تجيب يا امور
- سحر وحلا واحساس بزياده
- فيهم فؤادي والعقل مسحور
- لما بتهمس لي وبتنادي
- بسمع بهمساتك لحن شحرور
- ولما بتضحك يا حلو بادي
- من ضحكتك بينور الديجور
- وشفاف مثل الجمر وقاده
- بتقول لي اكل الكرز محظور
- وجدود فوق الوصف والعاده
- منها نبيذ الخابيه معصور
- عيونك رمشها نبال صياده
- بتصيب كبف ما تلف كيف ما تدور
- جيدك حلو مش لازمه قلاده
- بيشع وبيلمع مثل بلور
- ورمان كرمك رايح وغادي
- مسكوب عاج وبالذهب مغمور
- حبك غدا زادي وزوادي
- وكلي بامرك يا حلو مامور
- وبغمزة عيونك انا ماسور
- قلبي تخت - زندي لك وساده
- تا تغفي وتنامي يا ست بدور
- ولو مت بحضينك هني ومسرور
- ==== محمود شبيب ====
ليست هناك تعليقات:
إرسال تعليق