يا كبير العيلة ==== بقلم الشاعر ===== طه الروبى
- يا كبير العيلة ساكت
- ليه
- متقول حاجة واتكلم
- طب إللى حصل إيه
- رأيك فيه
- وهتعارض ولا هتسلم
- كان واجب تشجعنا
- وللامام تدفعنا
- ولا مكانك خايف
- عليه
- ياكبير العيلة ساكت
- ليه
- ولا بس على ناسك
- صوتك عالي
- وكل موضوع داخل
- فيه
- ولما العدو علينا يدوس
- تقول أعمل إيه وأنا مالى
- وتحايله وتحاول كمان
- ترضيه
- يا كبير العيلة ساكت
- ليه
- ومن إيه خايف ومتهدد
- خايف علينا ولا على
- نفسك
- يا كبير العيلة
- عجيب أمرك
- على ناسك لازم يكون
- نافذ أمرك
- ومع الغريب تقول
- نشوفه عايز إيه
- مع ناسك إللى يخالف
- يبقى خارج عن الطوع
- وعقابه يكون من خير
- البلاد ممنوع
- ومع الغريب أمرك
- على الراس ياباشا
- و يا بيه
- يا كبير العيلة ساكت
- ليه
- قلت خلوني الكبير
- وبقيت
- طيب ليه راس ناسك
- فى الوحل والطين
- خليت
- ولميت حواليك الحج
- زيد وعبيد
- وكل واحد منهم بيدور
- على حاله
- وخايف على المزرعة والبيت
- إللى واخدهم بدون حق
- يعنى ناهب إللى ماهوش
- ليه
- ولما إللى محتاج من ناسك
- يقول حقي
- هما أول حد يشهر بيه
- وزيد يقول ازاى
- وعبيد يقول كيف
- يا كبير انت ساكت ليه
- معقول يا كبير تسيب
- هيبتك تروح
- حق إيه إللى جاي يطالب
- بيه
- من إبداعات
- الشاعر
- طه الروبى
ليست هناك تعليقات:
إرسال تعليق