ماتحضرش العفريت ==== بقلم الشاعر ===== طارق السيد
- (ماتحضرش العفريت)
- إتكلم كدا على قدك
- صون نفسك وإلزم حدك
- لو مش هتلم الدور
- هسقف لك على خدك
- ياجميل إنت ياأمور
- أنا مش زيك فرفور
- ماتتفرفرش عليا
- لعنيك ماتشوف النور
- قوم شوف بتكلم مين
- فينك إنت وعمك فين
- إذا كنت ياواد والي عكا
- أنا برضو صلاح الدين
- روح بقا وإعمل حركات
- وإتشقلب شقلباظات
- وإن تعمل فيها أبو زيد
- أو عنتر أبو العضلات
- أديك في العضلة الوسطى
- تضحك وتقوللي أليسطا
- إديني في الطيلمانات
- على كل لون ياباتيسطا
- من عيني ياحلو أديك
- وأدي لستين زييك
- أديك كدا صبح وليل
- وهكذا ياجميل دواليك
- فهمت الدرس ياتيت
- ولا المدعو عبيط
- قصر كلامي بقولك
- ماتحضرش العفريت
- بقلم طارق السيد
ليست هناك تعليقات:
إرسال تعليق