***حبة حظ*** بقلم الشاعر **** محمد فارس ابوعمار
- ***حبة حظ***
- ادينى حبة حظ
- وأنا اقول للدنيا طز
- عشان هى ملعونه
- وتعبت اللى جابونا
- وساعات تبقى مجنونه
- ولا شفنا منها عز
- ادينى حبة حظ
- ************
- بتروح هى لاصحابها
- وبتدى اللى يعجبها
- دايماً تعلى واطى
- عايزانا ليها نطاطى
- وأنا لاأعرف اطبل
- ولاارقص لها بصاجات
- ولايعرف وسطى الهز
- ادينى حبة حظ
- **************
- عارفين هى بصراحه
- ماتخلى حد ف راحه
- وسكينها دى دباحه
- واللى تلاقيه ف ورطه
- ف رقبته تدوس وتجز
- مدام طبعها ويانا
- الغدر والخيانه
- من حقى اقول له طز
- ولا عايز منها عز
- ***************
ليست هناك تعليقات:
إرسال تعليق