فصحى ---- قصة --- عمودى ---- نثر ---- حر

مجلة منتدى شعراء احرفهم باقيه للشعر والادب

الخميس، 25 يناير 2018

/بيثوروا لمين ..... بقلم الشاعر.. عادل عباس علي

  • //*//بيثوروا لمين//*//
  • انهارده ايه
  • انهارده مين
  • انهارده 25 
  • ثورة شباب
  • ولا شوية غلبانين
  • ولا ناس مش عارفين
  • بيثوروا لمين
  • ولا ناس فيهم متحكمين
  • بيزرعوهم من سنين
  • وناس ماجورين
  • وسط الطيبين
  • بيثوروا لمين
  • هيصه و زمبليطه
  • طبله وترومبيطه
  • حبر وكلام ع الحيطه
  • ايد واحده عبيطه
  • ع الارض شخبيطه
  • بيثوروا لمين
  • حد فاهم حاجه
  • ولمين باضت الدجاجه
  • عملوها الهياجه
  • ووراهم بسذاجه
  • عيال منقادين
  • وبيثوروا لمين
  • مين فينا كسبان 
  • حد فاد غلبان
  • حد كسي عريان
  • ولاجفف عرق شقيان
  • والباقي بات ندمان
  • وبيثوروا لمين
  • الواد جاته رشه
  • والتاني مات ف نشه
  • وشرطه كانت هشه
  • وعريس لم عفشه
  • وبوكس ساب القفشه
  • وبيثوروا لمين
  • هاجوا ف الشوارع
  • معاهم شيخ وارع
  • وشاعر م البوارع
  • وشباب بيض فارع
  • بيقولوا مش مصريين
  • وبيثوروا لمين
  • عم محمد بات مستغرب
  • وعياله رايحه تضرب
  • وكلام عمال يتسرب
  • واشاعات فينا تكهرب
  • وسلاح مصنوع يتجرب
  • وبيثوروا لمين
  • وبنات ببنطلونات
  • واللي قطرها فات
  • وشباب ويا بنات
  • بيوزعوا الافات
  • يتقابلوا علي رنات
  • وبيثوروا لمين
  • فات كام سنه
  • وانا كما انا
  • لا شفت هنا
  • بكتب غونا
  • مهدور دمنا
  • وعلي فين رايحين
  • وبيثوروا لمين
  • الشاعر.. عادل عباس علي

ليست هناك تعليقات:

إرسال تعليق