خدني ياورد معاك في واديك ==== بقلم الشاعر ===== محمود عبد الخالق عطيه المحامي
- ........................بايقاع باحلم بيك أنا باحلم بيك .......................
- خدني ياورد معاك في واديك
- بهجة عمري بين أياديك
- تحلى الدنيا وقلبي معاك
- نسمة روحي من نواحيك
- لو جرثومة تيجي حداك
- جوا وريدي ونيني حاميك
- من أطيابك صنعوا أراك
- سبحانه من أبدع وناشيك
- بانسى حياتي ومش بانساك
- قطب وجودنا ياروحي آويك
- أعمل ايه جفنك فتاك
- جرح فؤادي تملي غاويك
- وجدي اليك ياغزال هتاك
- آه ياغرامي السحر حاويك
- ياريت حضني يكون مرساك
- كات أناتي بحار تسقيك
- لو يجي طيفك مرة هناك
- نبض فؤادي حياة ترويك
- عشق البدر يانور نجواك
- خد الورد يامهر حاكيك
- ارحم قلب يدوب في هواك
- من حرمانه ياروحي شاكيك
- اسمع صمت قتيل لباك
- مهما يطول ويله يراعيك
- آه ياجميل دلك خلاك
- حور الجنة من جواريك
- رقة نهد لفوق وداك
- حبل وصالي ينادي عليك
- على الأكوان طيبك ولاك
- ربا نسيمنا من حواريك
- مهما ان طال غيبك وياك
- وبـأشواقي مستنيك
- ألقى نعيمي يوم لقياك
- معنى حياتي من معانيك
- رمش عينيك ياجميل سفاك
- آه ياجنوني من مراميك
- روح ياعزول عني يا أفاك
- دمعي ياظالم راح يحاجيك
- آه لو شفته لكان بكاك
- كنت تعدد على أعاديك
- كنت تدوء في نهار ومساك
- طعم الأسوة من مساويك
- ذلي اليك والشوق علاك
- خدني حبيبي من مواليك
- ع المساكين اعطف ياملاك
- شوف كم عاشق جوا ناديك
- غاب الباب افتح شباك
- خليني واحد من مريديك
- أسلى الدنيا ومش باسلاك
- دونك صرت من الصعاليك
- قول ياحبيبي مين أساك
- لو كان يفدي بروحي افديك
- همي ياروحي هو رضاك
- حن ياعمري على اللي شاريك
- خمر رضابك ها المسواك
- حسنك واحد ماله شريك
- بدر ظلامنا يدور في سماك
- طير الجنة عالق بيك
- أسباب سهدي هي جفاك
- وف هجرانك دمي سفيك
- ضي نهارنا طلع في صفاك
- صبح قلوبنا يعوم في واديك
- نغم الحب بيترجاك
- لو مابترضى لحنه حليك
- على شطآنك الأفلاك
- ترقص تفرح كدا دواليك
- قطر الحب عاشق لنداك
- كل كياني وسهري راجيك
- كم رخصت أمهار في غناك
- نسا العالم ليك مماليك
- محمود عبد الخالق عطيه المحامي
ليست هناك تعليقات:
إرسال تعليق