لساك جبان يا جدع ==== بقلم الشاعر ===== نور العفيفى
- لساك جبان يا جدع
- فتح بيبان الوجع
- وابنى ما بينا جسور
- عالى فحيطان السور
- ليها اوان وبتقع
- ......
- وازرع غيطان الظلم
- ارويها بالقسوة
- جوا الاراضى البور
- تطرح شباب بيثور
- ملهوش نصيب فالدلع
- .......
- كل البيبان ساكة
- الا بيبان السجن
- ديما معاه سالكة
- حابسينه ظلم وجور
- وغراب بيهتف زور
- والكل فيك اتخدع
- .......
- لابس قميص الورع
- قلبك ماليه الطمع
- جاى بالفساد مسعور
- تخدع وطن مكسور
- ونفس الفقير اتقطع
- .......
- حاكم بيرمى الودع
- كل اللى قاله اتسمع
- (واحكيلكم القصة)
- مجند بالجبال محروم
- وكان بيحلم يوم
- يشوف ست بالصدفة
- والفرصة جت حادفة
- حواليه الصبايا الحور
- ......
- اعمى غبى مغرور
- فاكر عقل النسا
- بخفته مسحور
- والراجل بتاع المره
- فالف داهية يغور
- .......
- وعدنا بالجنة
- قال قد الدنيا
- ورفعلنا دراعه
- بالكدب بلفنا
- رقصنا وهتفنا
- على لحن مذياعه
- بدأ بيتمسكن
- وبعد ما اتمكن
- طلعلنا ...
- طباعه
- ....
- جوع وجوعنا
- جفف منابعنا
- واما الضرر جفت
- حالف ليحلب طور
- كاره لقولة الحق
- عارف هنقوله لا
- بعد اما ضيع وطن
- وكسر طريق النور
- .......
- هتلف ليه وتدور
- العسس ديابه
- والنخبة كدابه
- والكترة غلابة
- بكرة يجيك الدور
- ....
- وانتظر انا منتظرون
ليست هناك تعليقات:
إرسال تعليق