ألف سلاح . ==== بقلم الشاعر ===== محمود مسعود
- ألف سلاح ..........!!
- ــــــــــــــــــــــــــــــــــــ
- لما أبكي عللي راح
- واشكي حالي والجراح
- مالاقيش حتي صوت جنبي
- ولا حتي نسمة أو براح
- حتي حتي بتتهمني
- إني بهرب م اللي مني
- وبدور علي لحظة انشكاح
- سيبك بقي م اللي راح
- خليك في الجاي والفلاح
- دور وقول يافتاح
- انعم علينا بالصلاح
- اللي راح أهو راح
- ابكي ع الحاضر والمتاح
- وبلاش فذلكة وفتح جراح
- متبقاش في الضلمة
- لابسلي نضارة سودا
- وتسيب الدنيا سداح مداح
- لحد ماتروح منك كل جميلة
- تفضل تبكيلي وتحولها لحفل نواح
- طب مافي إيدك تعدل مايله
- قبل ماتمشي في دنيا براح
- وتسيب حالك المرتاح
- من وجهة نظرك كل صباح
- وتبقي ياغالي كما السواح
- مش راسي علي بر
- ودماغك يضرب فيها ألف سلاح
- ـــــــــــــــــــــــــــــــــــــــــــــــــــــــــ
- بقلمي / محمود مسعود ( عامية ) 24/3/2018م
ليست هناك تعليقات:
إرسال تعليق