قمري ==== بقلم الشاعر ===== راضي مشيلح
- قمري
- ،،،،،،،،،،،،،
- بريشة حنانك اعزفيني
- عالوتر
- وغنّي تا سقسق مثل
- حبات المطر
- وتا ينمحي عتم العمر
- صوبي تعي
- ما بتنجلي الاهات
- تا يطل القمر
- قديش كنتي تنطري
- السهره معي
- واليوم مش سامع
- لا حس ولا خبر
- وبعدو فؤادي ناطرك
- تاترجعي
- وخلص الصبر من كثر
- ما انو صَبَر
- وما دام انتي ساكنه
- ببيت الوعي
- وتخمين انك ناسيه
- ليالي السمر
- يا بترحلي منو لحتى
- يستريح
- يمّا ارجعي داوي جروح
- اللي انتظر
- ،،،،،،،،،،،،،،،،،،،،، ،،،،،،،،،،،
- راضي مشيلح
ليست هناك تعليقات:
إرسال تعليق