حضن قلبي ==== بقلم الشاعر ===== مهندس// محمود درويش
- حضن قلبي
- **************
- قلبي اللى حضنك
- من سنين
- عايش بيحلم بالأمان
- قلبى إللى متعلق
- بخيط الأمل
- شابك فى لبلابة هواكي
- عايش بيتمنى الوصول
- لخوص نخيلك
- يحكي الغزل
- دايب فى نظره
- من عينيكي
- شايل همومى فى كفي
- بتمنى عمري
- فى قربك يكفي
- بتمنى دوباني
- فى بحر غرامك
- ياخدني الموج يغرقني
- أتوه بين شطئانك
- ياما كتير سبقونى
- ياما كتيروصلولك
- مصيرهم كان الدوامه
- وعتمه وتوهه وقيامه
- إللى أفترق
- وإللى أتحرق
- و إللى قاسى النار
- فى بعادك
- وإللى أنكوى
- بيها فى قربك
- وإللى تاهت سكته
- ودموعه جفت م الانين
- عايش بيحلم باللقا
- عايش وبيشده الحنين
- وأنا جايلك
- ومشوارى طويل
- فى إيدى قنديلى
- ينور عتمة العشاق
- فى إيدى حبة قمح
- تسد جوع كل مشتاق
- فى إيدى زهره وكتاب
- وحباره ماليها بدمى
- وسن قلم دايس فى قلبي
- بيحكي عن مجاريح
- بيحكي عن زلزالك
- وهب الريح
- وحلم رضيع
- بات كسيح
- وغصن زيتون أخضر
- دبلت أوراقه
- تحت أقدامك
- وموت الحمامه
- بيعلن أنهزامك
- وبتقاوحي
- وأنا بترجي وأعيش
- ألملم خيوط
- السهد والترحال
- ألملم أهه تايه
- فى حروف موال
- ألمم خيوط
- الصبح فى عينيه
- وأغنيلك غنا مبحوح
- يضيع الصوت فى حلقي
- يغيب النبض فى قلبى
- وبتلاقى فى حضن عينيكي
- ياخدنى الشوق
- لسكه بعيده
- ياخدني حنيني للدوامه
- أتوه وأغرق
- مع التايهين
- ليه أنتى بيعده
- ليه أنتى عنيده
- مابتحني على العشاق
- مابتحنى على المشتاق
- وسكة قلبك موصوده
- ومحدوده ومعدوه أنفاسي
- وبسجن فيكي أحساسي
- يموت النبض
- فى عروقي
- وأموووت وماوصلش
- لسكة قلبك
- ***************
- مهندس// محمود درويش
ليست هناك تعليقات:
إرسال تعليق