باب الذكريات ==== بقلم الشاعر ===== احمد صبري
- باب الذكريات
- احمد صبري
- -
- هاعيد من تاني حساباتي
- وعشان خاطرك تحياتي
- ونفسي تعدي وانساكي
- ماتجيش تاني على بالي
- دخلتي بسرعة في حياتي
- ملكتي كل ما ف ذاتي
- وسيبت القلب يهواكي
- طلعتي وهم في خيالي
- -
- ماكملناش
- واحد فينا حس حاجات
- والتاني ما حسهاش
- واحد فينا م الاْموات
- بس التاني عاش
- واحد اْصله كان غالي
- التاني باعو ببلاش
- ضيع عمره بليالي
- على حد مايسواش
- -
- كنت حاسس
- إن إنتي نجمة هتلمعي
- بعيد عن هوايا
- وإنك في يوم هتودعي
- اْرضي وسمايا
- وإن الحكاية هتنتهي
- من قبل حتى ما تتحكي
- سيبي النهاية تبتدي
- إخرجي من جوايا
- -
- دخلت حياتها بمزاجها
- عشان هي كانت عايزاك
- نسيت الدنيا علشانها
- بتحسب إنها عشقاك
- ولما إنتهى وقتك
- قالت لك السلامة معاك
- لا بينا حاجة ولا وعدتك
- ولا عشقتك ولا فكراك
- -
- على باب الذكريات
- ذكرى لجرح جديد
- والمرة دي بالذات
- الضربة وجعها شديد
- علشان حبيت بجد
- قلبك حزين بيوجعك
- إوعاك تصدق حد
- هايخدعك ويضيعك
ليست هناك تعليقات:
إرسال تعليق