خاطرة ......... لحــــــد امــــتى ؟؟؟؟....... بقلم الشاعر ........ علي عوض
- ........................ لحــــــد امــــتى ؟؟؟؟..............
- بعت عربيتى من صغر المعاش
- وقلت الشوارع بقــت زحمــــــة
- والبنزين سعره بقــا كـام يانــاس
- م المشى اتقطعت منى الجزمــة
- واقول لله والنبى انبوبــة غـــــاز
- سعرها يحتاج م الفلوس رزمـــة
- بأمر بنك النقـــد الفــقيــر ينداس
- واللى يتكلم يلبســوه 100 تهمـة
- ناس عمالة تكــنز دهــب ومـاس
- ومن الاكل يجيلها دايما تخــمـة
- وناس تكمل عشاها نوم وخلاص
- والصبح تشــقى عشـان لقمــــــة
- حكومة ما بقــى عندهم احساس
- وناس صابرين ما بيعملوا ازمة
- ونار الغلا شغالة فيهم افتــراس
- نستنا الضحكة او حتى البسمة
- انا بضرب للمســئولين اجراس
- كفاية ضغوط لمصــلحة الامة
- لحد امتى اخماس ف اسداس
- والا الكلام ماعدش له لازمــة
- وانتظرت الامل لكنه ماجــاش
- والدنيا ما بقاش فيــها رحمــــة
- وبقيت عايش ع الفول وخلاص
- م الغلا ما قدرت اشترى لحمة
- ده حالى بقى يشتكــى لحالى
- والدنيا ف عينى بقت فحمة
- ههههههههههههه خاطرة علي عوض
ليست هناك تعليقات:
إرسال تعليق