مجــلة منتدى شعــراء أحــرفهم باقيـــة للثقافةوالأدب : •• صوت النداهة ••. ==== بقلم الشاعر ===== عمادالدين العيطة

الأحد، 17 يونيو 2018

•• صوت النداهة ••. ==== بقلم الشاعر ===== عمادالدين العيطة

•• صوت النداهة ••

أشعار : عمادالدين العيطة

صوت النداهة .. خادنا

وإسودت حياتنا ..

ونسينا .. نعيد حساباتنا

نسينا إننا بإيدينا ..

عملنا جلادنا

صوت النداهة .. خادنا

وبصينا .. تحت فخادنا

ومن عملنا إتصب علينا

ونسينا نبنى ذاتنا

أنا أبنى النهاردة سألنى

يابا فين زادنا ..

وعدتنى بزوادنا ..

وإحنا ياما صبرنا

وأهو الزمان فاتنا

بقى هما دول حماتنا ؟

اللى حاميين حياتنا

فين الأمانى والوعود

وليه الطريق مسدود

وإلا إيه جرالنا

هى البلدى بلدهم ..

وإلا بلدنا ..

ليه غيروا صفاتنا

ونسينا تاريخ أجدادنا

صعبان علينا حالنا

تعالى يابا نعيد حساباتنا

تعالى نقتل عنادنا

نصرخ نطلع أهاتنا

نزرع صوت الحق

تعالى مرة نقول لأ ..

للى ظلمنا

واللى فات ننساه

دا اللى إنت ماشى وراه

يابا صوت .. نداهة

عمادالدين العيطة

ليست هناك تعليقات:

إرسال تعليق

الاشتراك في: تعليقات الرسالة (Atom)