بعنوان المسحر ..==== بقلم الشاعرة ===== د.ملك محمود الأصفر
- قصيدة باللهجة العامية ...
- بعنوان المسحر ...
- ....................................
- بتذكر لم كنا صغار
- لمسحر كان يسحرنا
- وبإيدو كان يحمل طبلة
- يطبل عليها يفيقنا
- يغني بصوتو الحنون
- يانايم إصحى من النوم
- قوم إذكر ربك وتسحر
- قوم استقبل شهر الصوم
- ....................
- يصحينا قبل الفجرية
- على صوت الطبلة يومية
- نتسحر ونصلي الصبح
- ونسبح رب البرية
- يذكر الله كل شوي
- ويطوف كل بيوت الحي
- تايصحى النايم من نومه
- يتسحر ويشرب مي
- .................
- وشو كانت حلوة الأيام
- حلوة وأحلى من الأحلام
- لما إسمع صوت الطبلة
- إصحى وما عود إقدر نام
- وصار لمسحر عنا ذكرى
- متل الوردة تفوح بعطرا
- وصورة ممزوجة بالسحر
- رح نذكرها اليوم وبكرا
- ......................................
- د.ملك محمود الأصفر
ليست هناك تعليقات:
إرسال تعليق