مجــلة منتدى شعــراء أحــرفهم باقيـــة للثقافةوالأدب : (( عيد الفطر جانا )) ==== بقلم الشاعر ===== أ / عبد الرحمن فتحي الحناوي .

الخميس، 14 يونيو 2018

(( عيد الفطر جانا )) ==== بقلم الشاعر ===== أ / عبد الرحمن فتحي الحناوي .

(( عيد الفطر جانا ))

بشعر العامية المصرية .

الخميس : 14 من يونية سنة 2018 .

********************************

هاعيد بكرة في بلدي وأكيد الأعادي *

وأشم روايح بلدي بجمالها الساعادي *

دا عيد الفطر جانا ما احلاه السنادي *

يارب خد بإيدنا وخلي الكل راضي *

أطفال كتير جاية ورايحة ع الملاهي *

وآلاف هنا مستنيه ومافيش حد ساهي *

وناس في الميه عايمة والدنيا اهي تلاهي *

دي الفرحة رايحة جاية أكيد شادة انتباهي *

طفل ماسك بالونة والتاني لعبة ف إيدو *

واخوه سعيد وبيجري يسلم علي سيدو *

ياخد عيدية منه بارك يارب وزيدو *

العيد جاي ف معاده ما خلفش مواعيدو *

بيوتنا في أبهي صورة والعيد بردو محليها *

وأعيادنا ويا الكورة ناشرة البهجة حواليها *

الصورة جنب الصورة ماليه بيوتها وحواريها *

والعيد وجمال الكورة إدي طعم للياليها *

افرح بالعيد يا صايم وفرح يلا جيرانك *

واعطي وزيد لو شايف حد محتاج حنانك *

دا عيد الفطر فرصة يتباهي بيه زمانك *

وتخلي صوت الفرحة يجري علي طول قدامك *

أصحاب كتير وقرايب رحلوا عن دنيانا *

وكان نفسنا الغايب يحضر العيد ويانا *

لكن دا حال الدنيا أهي دورنا بتستنانا *

يا عيد الفطر طبطب علي كل روح حزنانة *

تأليف أ / عبد الرحمن فتحي الحناوي .

من / مصر .

كتبت ارتجالية وليدة اللحظة .

****************************

ليست هناك تعليقات:

إرسال تعليق

الاشتراك في: تعليقات الرسالة (Atom)