ولحد امتا يا شعب ==== بقلم الشاعر ===== طه الروبى
- ولحد امتا يا شعب
- السكوت هيكون
- يا شعب شبعان بهدلة
- ومن كل حاكم متهان
- مطحون
- مين حقك يوم بيصون
- كله نهب خيرك
- حاجة تصيب العقل
- بجنون
- امتا البخت معاك يتعدل
- ويبقى فيك الحال
- موزون
- الخير كتير بس مين
- إللى حارس على المخزون
- لصوص باعوا الضمير
- ونسيوا لقاء رب الكون
- لا شاغلهم فقير ولا
- محدود دخل مطحون
- كلاب الحرامية من اللحمة
- شبعانة
- والفقير عايش على العيش
- الحاف إللى بدموع الجوع
- مدهون
- كلاب الحرامية بأفضل
- علاج تتعالج
- والفقير مرضان مش
- لاقى حتى شربة فول
- كلاب الحرامية جوا
- السكن دفاينة
- والفقير حارس عليها
- وعن باقى البشر معزول
- لحد امتا يافقير
- السكوت هيطول
- كل يوم أسعار بتزيد
- وياريت الدخل بيكفى
- ومين عنك سأل ومين عليك
- مسؤل
- من إبداعات
- الشاعر
- طه الروبى
ليست هناك تعليقات:
إرسال تعليق