أنا إبن مصر _____ بقلم شاعر الحدث الشاعر _____ يوسف الحمله
- أنا إبن مصر
- <<<<<>>>>>
- أنا إبن مصر
- اللي قال للظلم لأ
- اللي لسانه حليف الحق
- اللي عايش وبيتمرمط
- وماشي الطريـق بالذق
- <<<<<>>>>>
- أنا إبن مصر
- اللي عنده ع اللصوص
- (100) دلـيـل إثبات
- أنا إبن العز
- اللي اتحول لشحات
- أنا اللي كنت بدي
- وعمري ما قلت هات
- أنا اللي عشان بلدي
- عايش على الفُتات
- أنا اللي ضاع شبابي
- واستكبرتني البنات
- <<<<<>>>>>
- أنا إبن مصر
- اللي نادى بالعدالة
- ونزل يعدل الميزان
- اللي واجه الحثالة
- واللي طير الغربان
- اللي علم كل الدنيا
- يعني ايه كلمة ثوران
- لما يقلع نظام قوي
- كان فـ الفساد فنان
- أنا إبن مصر
- اللي إتسرقت ثورته
- من قبضته وفرحتة
- سكنت مكانها الأحزان
- <<<<<>>>>>
- أنا إبن مصر
- اللي رافض الإخوان
- واللي رافض العسكر
- اللي طالع م الميدان
- واللي نازل ع المعسكر
- اللي واقف خلف جيشه
- وضد الإرهاب معسكر
- أنا إبن مصر
- اللي عايز طلعت حرب
- يرجع يحكم يبني يعمر
- اللي عايز رغيف الخبز
- يرجع من تاني لخبازه
- وكل واحد وله مجاله
- لو عايزين الصحره تخضر
- <<<<<>>>>>
- أنا إبن مصر واللهِ
- يعني مصر تبقى أمي
- واللي يخَوني واللهِ
- يجي مره يحلل دمي
- يجي يشوفني وأنا ماشي
- في شوارعها وفيها بَسمي
- أنا فيه مني كتير ملاييين
- وحبها كل همهم وهمي
- وكل حلمهم
- يعلوا بيكي ياغاليه
- يعيشوا وراسهم عاليه
- واللهِ ده حلمهم وحلمي
- وأنا إبن مصر واللهِ
- يعني مصر تبقى أمي
- <<<<<>>>>>
- أنا إبن مصر
- بقلم شاعر الحدث
- الشاعر يوسف الحمله
- 18/6/2018
ليست هناك تعليقات:
إرسال تعليق