راجع ==== بقلم الشاعر ===== عبد الحميد عبد الرحيم
- راجع
- راجع ألم الشمل من تاني
- أصالح أرضي ع البذرة
- وأرويها بدمع العين
- ياريت ترضي تسامحني
- علي هجري سنين وسنين
- حرفي شاب علي سطري
- من المراسيل
- جواز سفري بهت حبرة
- وتأشيرتي ماليها رجوع
- هنام ف الحرجة تحت الفرع
- هجيب قله وأكسرها ورا الغربه
- ألم حمامي جوا الدار وأراعيهم
- أدري التبن من قمحي
- أشيل أبني علي حضني
- وأغزل توبي من قطني
- ريحة الصبح وحشاني
- رجعت البيت حضني
- خيط العنكبوت
- ناداني جواب ف شق الحيط
- سمعت عويل كما العطشان
- لقيت الغاليه صابها البور
- كان نفسي أبل الريق
- خلاص ياحلم أنساني
- هعود للغربه من تاني
- بقلمي
- عبد الحميد عبد الرحيم
ليست هناك تعليقات:
إرسال تعليق