حظ داكن ==== بقلم الشاعر ===== ابو ندى عبدالجواد
- حظ داكن
- من حظى المنيل
- طالع عشان اقيل
- لقيت السرير مخلوع
- طلعت فى الصالة
- لقيت الكنبة منشالة
- وفرشها منزوع
- رميت المخدة على السلم
- وقعدت فى الصالة مبلم
- وشكلى بقى جربوع
- وبصيت على الانبوبة
- لقيتها مقلوبة
- والخرطوم ريح منها مقطوع
- قلتلها ربى يحيرك
- انا لسه مغيرك
- خلصت فى اسبوع
- وقلت إلحقينى يابهانة
- الانبوبة خلصانة
- هو حقها مدفوع
- قالت ياخويا لسه
- جريت وراها بالمقشة
- وبقى شكلها مفجوع
- واللى مجننى
- لهفت المقشة منى
- وضحكت على شكلنا المسروع
- وقلتلها بلاش الطبيخ
- وعندنا شرختين بطيخ
- يعنى نموت م الجوع
- وتعالى نطلع البلكونة
- واحكيلك يامجنونة
- ونشرح الموضوع
- ولسه حظى داكن
- ومالى كل الاماكن
- وكابس على الضلوع
- رميته على الزراعية
- يمكن تدهسه عربية
- قلبها فى المشروع
- وإتلمت الناس تطلعها
- قام مولعها
- وقال الكلام ممنوع
- يخرب بيتك ياحظى
- الناس جيا تعزى
- يلاقونى ع الطريق ملطوع
- أبو ندى
ليست هناك تعليقات:
إرسال تعليق