طمنيني..==== بقلم الشاعر ===== نسيم الزراع
- طمنيني..
- بكلمه واحده
- ولا حرف ونقطتين
- ليه باشوف البدر لسه
- جوا أحضانك حزين
- دا انتي أول نور لمسني
- شق ضيه ف العنين
- ليه ف صوتك
- نبره حايره
- جوا منك شوق دفين
- طمنيني طاب بكلمه
- طاب قوليلي
- إنتي فين
- بسألك وياريت تجاوبي
- ليه باشوفك جوا حلمي
- ليه باحسك جوا مني
- صوت لنبضي
- جوا قلبي بيلازمني
- بالمسك ليه جوا روحي
- ليه ف دمعي
- بانزفك وف عز نوحي
- بلتقيكي جوا مني
- وقت صمتي
- تكوني بوحي
- وقت ألمي أحضنك
- تدبل جروحي
- بس ياوخداني مني
- إنتي يا عايشه ف كياني
- ليه ف عز الفرح دايما
- ليه تروحي
- وانتي آخر حاجه ليا
- ابتسم بيها زماني
- كلمات نسيم الزراع
ليست هناك تعليقات:
إرسال تعليق