《أم العيال 》عامية..صَعيدي ==== بقلم الشاعر ===== أشرف رسلان

• 《أم العيال 》عامية..صَعيدي
• كلمات/أشرف رسلان
• •••••••••••••••••••••
• مَش هَازِيدِك...
• والله مَا هَازِيدِك في الكَلام...
• أصْلِ خَلاص تِعبتْ من كُتر المِناهدَه.........
• كُل يوم نَفس الكَلام..
• ما إنتي دايماً مِناهده ..
• ولا بتفهَمي مِني الكلام.... 
• عَايز أجُولِك...
• لم جِيِت لِك جَربت مِنِك ..
• كُنت يُومها مَليانه حُب وحَنان.... 
• كُنت شَااايفك لِيه رَجيجه 
• للأسف مِش دِي الحَجيجة...... 
• مَاإنتي زي كُل البَنات.. 
• في الخُطوبة تِبجِي أجمل
• في المَشاعر وِ الإنوثه......
• لَما بَمشي 
• خطوة مِنك بِعيد 
• ماتْفَارِج عِينِك طَريجي...
• رَاحت فِين إبتِسامتِك .. 
• ضَاعِت وَيا العِيال....
• هِي فِين رِجِة كَلامِك 
• ياأُمُ العِيال..
• بَس عَايز أجُولِك.. 
• إني غِير كُل الرِّجال....
• جَلبي عُمرُه مايِنطفي فِيه حُبي للجَمال ...
• ماأني جُلت لِك أني غِير كُل الرَّجال
• صَدَجي ما تصَدَجي بِراحتِك..... 
• لِيه بِنِنْسي ...
• لِيه تُجولي أهو عَايش عَشان خَاطرِ العِيال ...
• يَاعْني أموت وَلا أندِفِن لَجل العِيال ...
• ما أني بَرضُه ... 
• عِيني مابتُنضُر غِير العِيال...
• بَس عَايش حَياتي جَنب العِيال....
• ياحَبيتي ياأُمُ العِيال ...
• جَبل ماتْكُوني أُمُ العِيال ..
• إنتي.. أُمي... وأُختي.. وحَبيبتي.. 
• لِيه تِغيرك العِيال...