أنا عاوز دكتور ==== بقلم الشاعر ===== عصام الباز
- أنا عاوز دكتور
- عندي وجع في الزور
- من كترة شكاويا
- والناس الأغبيا
- عاملين فيها أنبيا
- أو حبة أوليا
- كل حرام حلوه
- أي رخيص غلوه
- باب رزقي قطعوه
- صوتي كمان منعوه
- إوصفلي يا دكتور
- إوصف مش بالزور
- جاني خلاص الدور
- إوصف وصفة سريعة
- تشفي كل وجيعة
- زي غلا الأسعار
- أو جبروت الجار
- إزاي راح أسد إيجار
- لا معاش عاد بيكفي
- بأعطي وعود ولا أوفي
- بأمشي وأنا متخفي
- من كتر الديانة
- ومراتي العيانة
- فيه كام وصل أمانة
- صدقني يا دكتور
- يا عبد المأمور
- علاجك كله أونطة
- عبي فلوس في الشنطة
- يا عبد المأمور
- عصام الباز
ليست هناك تعليقات:
إرسال تعليق