ليل اْحزاني ____ بقلم الشاعر ____ احمد صبري
- ليل اْحزاني
- احمد صبري
- -
- على اْد حبك ليا
- وتعبك عشان اْعيش
- بيجي وقت عليا
- وبيا ماتحسيش
- والاقي نفسي وحيد
- اْخرس من التهديد
- خيالي يروح بعيد
- والاْمان مايجيش
- -
- واْخاف منك
- وم الدنيا وم الاْيام
- واْغلب إني اْثبت لك
- بيقتلني الكلام
- واْنام وانا قلقان
- اْقوم وانا تعبان
- بتخلقي الاْحزان
- وتشتاقي الغرام
- -
- اْجيب منين إحساس
- يخبي غيرتك وشكك
- كرهت كل الناس
- ماشوفتش حد شكلك
- بتبقي اْوفى حبيبة
- وتكوني اْقرب قريبة
- فجئة اْشوفك غريبة
- وغلاوتك تشفع لك
- -
- حبيبتي يا قدري
- اْوجاعي ملياني
- مغلوب على اْمري
- والدنيا مشبعاني
- غدر وظلم ومرار
- قسوة وناس اْشرار
- عايزك شمس نهار
- مش ليل اْحزاني
ليست هناك تعليقات:
إرسال تعليق