******** أغنية...ياحبيبي ياللي هجرك كتبها لكم الشاعر ((( على الطاووس)))
أغنية...ياحبيبي ياللي هجرك
يا حبيبي ياللي هجرك...
هد فيا...
مشاعري و أحاسيسي...
و كل ما أحاول...
من تاني أبنيهوملك...
يجيني صدك مصاحب هجرك...
و يمسكولي بالغصب أيدي...
و بقيت مش عارفه يعني...
كده خلاص...
خلاص كده...
ما بقاش قلبي عشك...
اللي عايز تسكن إنت فيه...
و لا غيرت عنوانك...
لقلب واحده تانيه...
فرشهولك بالوهم لتغشك بيه...
فا يا حبيبي ياللي هجرك...
هد فيا مشاعري و أحاسيسي...
إفتكر كده بس يا حبيبي...
ده إنت يا ما سهرت الليالي...
و إنت هنا جانبي...
بتبوس في أيدي...
و في أحلامك تشرحلي...
و انا أبني في عشك..
بحبي و عشقي...
لحد ما علا...
و دلوقتي لما بعد عني...
باعتلي بعدك...
بقسوة قلبك...
و بتقولي هديه...
أهد...
أهد إيه بس...
أهد عمر راح و أنقضي...
في عذاب و شقي...
و سهد و ضني...
و تعب و كلا و سهر ليل...
و دموع عين في منامها...
علي مخدتها و نا بحلم بيك...
و حلمها...
حلمها و حلم عمري...
أعمل أنا فيه إيه...
اللي أنا عشت فيه و بيه سنين...
و رموش عيني حوطته...
بالحنان تحرسه...
ليك طول الليل...
ده غير تذويقي...
في كل مواعيدك...
اللي إنت فيها ما بتجيش...
و نار الإنتظار تكويني...
و ظنوني اللي بتاخدني و توديني...
لبحور الغيره...
و الحيره عليك...
بمجرد رمشة عين...
فا يا حبيبي ياللي هجرك...
هد فيا مشاعري و أحاسيسي...
و قلبي برغم الهجر و ألاسي...
لسه برضه بيقول عنك حبيب...
ح تغيب تغيب..
و ترجع لحضن بيدفيك...
تبكي بدموع العين...
و أنا اللي أداوي جروحك بالمناديل...
لغاية ما تشفي ونا عارفه...
إنك ح ترجع تروح مني لبعيد...
يا حبيبي ياللي هجرك...
هد فيا...
مشاعري و أحاسيسي...
و كل ما أحاول أبنيهوملك...
يجيني صدك مصاحب هجرك...
و يمسكولي بالغصب أيدي...
مع تحيات شاعر الوجدان الشاعر السكندرى\على الطاووس 😂
ليست هناك تعليقات:
إرسال تعليق