فوضت ليك الأمر ==== بقلم الشاعر ===== طه_حسين
- فوضت ليك الأمر
- ___________
- وليك انا شاكي
- سألت ع المناديل
- قالولي دي غِليت..
- والله مانا باكي..
- لما البُكا بفلوس
- الشكوى تبقي بكام ؟
- يابلادي ليه بتغزلي
- روحي بخيط من قهر
- أجمع سنين عمري
- وأجيبها ليكي مَهر
- وأقبص ف أخر الشهر
- يادوب يجيب كفني...
- يابلادي يا حُره
- ياعيوني يا دُرة
- عملوا عليكي فخ
- ووقعتي ف الجُره..
- واللي يقول ينطخ
- برصاص بينزل رَخ
- خوفتي لتموتي ،
- سيبتيه عليكي نَخ
- وعَراكي للسُره...
- والله يابلادي !
- فيكي حاجة غريبة
- مكتوب فجنسيتي
- أعيش فتغريبة..
- وأتعب انا فالقرش
- وغيري يملى الكرش
- وأما تقوم الحرب
- أدفع روحي ضريبة...
- #طه_حسين
ليست هناك تعليقات:
إرسال تعليق