من زمان كان ليا حلم قديم ==== بقلم الشاعر ===== مجدي فرحات
- من زمان كان ليا حلم قديم
- عشت ليه ايام وسنين
- حلم الحب فيه هو السيد
- على القلوب وبالود متايد
- كبرت وانا بحلم بيه
- اشوف النفوس متجمعه
- وعلى الموده متربعه
- لا فيه ظلم وسجن من حديد
- ولا فيه جراح و آهات وأنين
- على اللى ضاع و اللي فات
- واللي باع واللي خان حب ووطن
- وعشت مرارة الخوف مالانتظار
- واقول بكره جاي وجايب اكيد
- فرح وهنا وايام بالحب سيده
- وحريه بتوب في شكل جديد
- أمن وامان ودفاع عن وطن
- من عدو لئيم غدارسمه نار
- لعقول تايهه باسم الدين
- لسه حلمي بعيني هو الامل
- أد ما دقت مر الصبر والالم
- وعمري بيجري وشبه عجزت
- حلم شايفو مرسوم على وش
- بلدي في بنت اصيله تحفظ
- وتصون ولدي في اب جاهد
- للرب عابد شاكر وساجد
- بيتمنى وطن علمه عالي
- على قلبو غالي يحيا الوطن
- حلمي لسه شايف قلوب
- عمرانه إخلاص و وفا ولا يوم
- انتهى بالحب عايشه والبسمه
- راسمه والحضن دفا لا بتشتكي
- ولا بتبكي الحب جوا القلوب بحر
- جاري بيروي العطشان ترياق الامان
- من بعد عنيد وهجر وليد دا للحب
- اسرار وليه عجايب يا حلا القلوب
- في حب الوطن انا لسه حلمي باقي
- قريب مش بعيد اصل الحب هو السيد
- ترنيمات صباحيه
- مجدي فرحات
ليست هناك تعليقات:
إرسال تعليق