علم غيب ==== بقلم الشاعر ===== أحمد طليس شاعر
- علم غيب
- ............
- لو دخلتي جوه مني
- جوه قلبي
- تلاقي نبضي
- كل نبضة عاملة ليكي ألف فرحة
- كل همسة فوق شفايفي
- عازفة ليكي لحن غنوة شوق و طارحة
- يعني كل لمحة مني سارحة
- في الخيال
- يعني جوه الروح ف روحي
- كان عشانك ميت سؤال
- يعني شوقي في الخلايا
- كله ليكي
- يعني نن عنيكي خدني
- ابقى حاسس بين إديكي
- إن كل الموج في بحرك
- خدني غريق
- يعني إحساسي بحبك
- شوق وفاير
- وآنا حاسس فيه غريق
- يعني كل خطوة ليكي كانت
- في الطريق
- يعني حبي جوه قلبي
- كان عشانك
- عايش ومحتاج من حنانك
- يعني همس الشوق يدفي
- لو توفي
- دانتي علم الغيب ف كفي
- كل ليلة ألقى طيفك
- جوه مني
- كان واقف في صفي ...
- ..........
- من ديوان : عزف منفرد : أحمد طليس شاعر
ليست هناك تعليقات:
إرسال تعليق