يسوى ايه الحب جنبك ==== بقلم الشاعر ===== بلبل عثمان
- يسوى ايه الحب جنبك
- يسوى ايه
- دا انت قلبك عندي بالحب
- والمعنى اللي فيه
- يعني حبك شكل تاني
- طعم فيه كل المعاني
- لو جرحني او كواني
- طعمه حلو بحس بيه
- مش كلام يتقال وبس
- شىء جميل بيه قلبي حس
- ما توصفوش اجمل اغاني
- وبيوصل القلب ف ثواني
- حتى لو عني تداريه
- يسوى ايه الحب جنبك
- يسوى ايه
- تسوى ايه كل الحياه
- وانت مش موجود معايه
- وايه بعد قلبك هتمناه
- حبك م الدنيا كفايه
- ولو الدنيا هتتحداني
- أخسر الدنيا بحلها
- وحبك انتى اخاف عليه
- دا انت حبك حب غالي
- وانت كل شىء فى بالي
- والله ما عرف ايه جرالي
- وايه على حبك رماني
- ما تقوليش اذاي وليه
- يسوى ايه الحب جنبك
- يسوى ايه
- قلبي مره وحده حس
- مره واحد ما غيرها بس
- همسلي قلبك احلى همس
- فتحتله قلبي ف ثواني
- قبل ما تخبط عليه
- كنت فيه
- يسوى ايه الحب جنبك
- يسوى ايه
- الشاعر بلبل عثمان
ليست هناك تعليقات:
إرسال تعليق