أيام بِتعدِّى ==== بقلم الشاعر ===== محمود العزب
- أيام بِتعدِّى
- شعر/محمود العزب
- 30/6/2018
- أيـام بِتعَـدِّى وخلاص
- مع فَسَدَه فاقدَه الإحساس
- وعَمَّالَهْ بتِتحكِّـم فينا
- وبِتسَوِّد ألوان ليالينا
- وبِتدمَّر فينا بإخلاص
- ولاناويـهْ يتصَلَّـح حالنا
- ولاغاويهْ غير سِرقِةْ مالنا
- وبتِقتِـل فينـا أمانينا
- وبتضَيَّق عيشيتنا علينا
- وبِتِكتِـم أنفاس الناس
- ومُش لاقيهْ حَـد يوقَّفها
- ولاعاوزه مخلوق يخالِفها
- وبتخنُق فينا وتِعمينا
- وبتقول ان العيب فينا
- وبتِفرَح واحنَّا بنِحتاس.
ليست هناك تعليقات:
إرسال تعليق